وتاندىق جارىقشامدار لاتىن امەريكاسىنا ەكسپورتتالىپ جاتىر
ءتىپتى پاناما رەسپۋبليكاسىندا ءوزىنىڭ فيليالىن اشىپ وتىر. 2012 -جىلى جامبىل اۋدانىندا اشىلعان كاسىپورىن تۇرمىستىق، وندىرىستىك، كوشە جانە كەڭسە شامدارىنىڭ الۋان ءتۇرىن شىعارادى. وتكەن جىلى زاۋىت 929 ميلليون تەڭگەنىڭ ءونىمىن وندىرگەن. «ونىڭ باسىم بولىگى ەكسپورتقا جونەلتىلدى»، - دەيدى كاسىپورىن باسشىسى.
نۇرماحان ماداليەۆ، زاۋىت ديرەكتورىنىڭ ورىنباسارى:
- قازىرگى تاڭدا لاتىن امەريكاسىنا جىبەرىپ جاتىرمىز. گانا، اراب مەملەكەتىنە جىبەرەمىز. ودان كەيىن تاجىكستان، وزبەكستان، رەسەي، قىرعىزستانمەن بايلانىس جاسايمىز. زاۋىتتىڭ ماقتانىشى - سىممەن كەسەتىن رەزيوندىق ستانوك. بۇل ارقىلى قالىڭدىعى 250 ميلليمەترگە دەيىنگى كەز كەلگەن تەمىردەن قالىپ پەن شتامپ جاساۋعا بولادى. ەلدە وسىنداي ەكى ستانوك بولسا، سونىڭ ءبىرى وسىندا.
تۇتىنۋشىلار لەد شامداردىڭ سىرتقى تۇرىنە دە ەرەكشە ءمان بەرەدى. قازىر ويۋى بار جارىقشامدارعا سۇرانىس جوعارى ەكەن. نەشە ءتۇرلى ورنەكتەر لازەردىڭ كومەگىمەن كەسىلىپ جاسالادى.
داۋلەت مۇحامەدي، زاۋىتتىڭ ينجەنەر- كونسترۋكتورى:
- ەكى قوسىمشا كومپيۋتەرمەن باسقارىلادى. بىرەۋى - اپپاراتتىڭ وزىندەگى كومپيۋتەر. ياعني اپپاراتتىڭ جۇمىس ىستەۋىن قاداعالايدى. ال ەكىنشىسى بىزدە سىزىم ارقىلى. ياعني كەرەكتى نارسەمىزدى سىزىپ الامىز. ونى ءبىز اپپاراتقا تانىتۋىمىز كەرەك. ياعني شكاف بولسا، شكافتىڭ ءارتۇرلى بولشەكتەرى بولادى. سونى ءبىز ەكىنشى كومپيۋتەر ارقىلى سىزىپ الامىز دا، ونى جيكود تۇرىندە كومپيۋتەرگە ەنگىزەمىز.
كاسىپورىندا 150 ادام جۇمىس ىستەيدى. جاز كەلىپ، قۇرىلىس قارقىن العان سوڭ ولاردىڭ سانى 250 ادامعا دەيىن ۇلعايادى. ال الىستان كەلەتىن قىزمەتكەرلەرگە جاتاقحانا بەرىلەدى.
گۇلنار وماروۆا، جۇمىسشى:
- قاسىمبەك اۋىلىندا تۇرامىن. جۇمىس ۇنايدى. التىنشى جىل ىستەپ جاتىرمىز. بۇل سالادا دا ءسان، ترەند دەگەن ۇعىمدار بار. سۇرانىسقا ساي بۇيىم جاساپ، باسەكەدەن ۇتىلماس ءۇشىن زاۋىت باسشىلىعى الەمدىك نارىقتاعى جاڭالىقتاردى قالت جىبەرمەۋگە تىرىسادى.
اۆتورلارى: ۇلان نارىنبەك، كەنجە امرايەۆ
www.24.kz