اسكەري قىزمەتشىلەر شىندىق دەتەكتورىنىڭ سىناعىنان وتەتىن بولادى
ءمالىم بولعانداي، قورعانىس مينيسترلىگى وتكەن جىلى ەكى پوليگراف اپپاراتىن ساتىپ العان. ولاردىڭ سىناعىنان جوعارى لاۋازىمعا تاعايىندالاتىن وفيتسەرلەر وتەتىن بولادى. ءبىر جىلعا جۋىق ۋاقىت ىشىندە جۇزگە تارتا اسكەريدىڭ جەمقورلىققا جاقىندىعى بار- جوعى انىقتالعان.
اسكەري پوليتسيا باسقارماسىنىڭ مالىمەتىنشە، ولاردىڭ تەك 60 پايىزا عانا سىننان سۇرىنبەگەن. مامانداردىڭ ايتۋىنشا، پوليگراف قۇرىلعىسىن الداۋ مۇمكىن ەمەس. ويتكەنى ول ادامنىڭ كوڭىل كۇيىندەگى وزگەرىستەردى ءمۇلت جىبەرمەيدى. ءبىر قىزمەتكەردى تولىق تەكسەرۋ شامامەن ەكى- ءۇش ساعاتقا سوزىلادى.
بۇگىندە الماتىدا قورعانىس مينيسترلىگىنىڭ جىلجىمالى توبى جەمقورلىقپەن كۇرەس تۋرالى زاڭدى ءتۇسىندىرۋ جۇمىستارىن جۇرگىزۋدە. ولار قالاداعى بارلىق اسكەري قىزمەتشىلەردىڭ باسىن قوسىپ، پوليگراف قۇرىلعىسىنىڭ مۇمكىندىگىن كورسەتتى.
«قوندىرعىنى الداۋ مۇمكىن ەمەس. كورسەتكىشتەردىڭ ناقتىلىعى 97-98 پايىز»، - دەيدى ق ر قارۋلى كۇشتەرى اسكەري پوليتسياسى باسقارماسىنىڭ پوليگراف مامانى جومارت بيتاباروۆ.