شىڭعىسحان قىزىنا ۇيلەنگىسى كەلگەن بيلەۋشىگە قانداي تالاپ قويعانىن بىلەسىز بە؟

استانا. قازاقپارات - موڭعولداردىڭ ۇلى بيلەۋشىسى شىڭعىسحاننىڭ ەرجۇرەك ۇلدارىنىڭ ەرلىكتەرى تۋرالى تاريحي ەڭبەكتەر مەن زەرتتەۋلەر كوپ.

ال اتاقتى پاتشادان وربىگەن قىزدار جايلى نە بىلەسىز؟ بۇل سۇراققا weekend.bugin.kz سايتى جاۋاپ بەرەدى.

شىڭعىسحاننىڭ جارتى الەمدى جاۋلاعان ۇلى دەرجاۆانىڭ نەگىزىن سالۋىندا ۇلدارىمەن قاتار قىزدارىنىڭ دا ساياسي ءرولى وراسان زور بولعان.

ناقتىراق ايتقاندا، ول قىزدارىن كورشىلەس مەملەكەتتەردىڭ بيلەۋشىلەرىنە ۇزاتقان. ءبىراق، ۇلى حاننىڭ بولاشاق كۇيەۋ بالالارىنا قوياتىن تالاپ-تىلەكتەرى تىم قاتاڭ بولعان ەكەن.

ونىڭ العاشقىسى، شىڭعىس اۋلەتىنە كۇيەۋ بالا بولۋعا ۇمىتكەر بيلەۋشى ءوزىنىڭ وعان دەيىن ۇيلەنگەن بارلىق ايەلدەرىنەن اجىراسۋعا ءتيىس بولىپتى.

وسىلايشا، شىڭعىسحان ءوز قىزدارىنىڭ كورشىلەس ەلدەگى بيلىككە ۇمىتكەر بولىپ قالاتىنىن تۇسىنگەن.

قۇدالىق قامى ءبىتىپ، نەكە قيىلىپ بولعان سوڭ بيلەۋشىلەر اسكەر باسىندا مايدان دالاسىنا اتتانعان.

الايدا، بيلەۋشىلەر ول سوعىستاردان ءتىرى شىقپاعان. ولاردىڭ ءبىرى جاۋ قولىنان اجال قۇشسا، ەكىنشىسى ءوز وققاعارلارىنىڭ قولىنان قازا تاۋىپ وتىرعان. ال بۇل ارەكەتتى ولار شىڭعىس حاننىڭ بۇيرىعىمەن جۇزەگە اسىرىپ ءجۇرىپتى.

ءدال وسىنداي ساياساتتىڭ ارقاسىندا ەلدەگى بارشا بيلىك شىڭعىسحان قىزدارىنىڭ قولىنا ءوتىپ وتىرعان. جىلناماشىلاردىڭ جازۋىنشا، ۇلى حاننىڭ ولەر شاعىندا ونىڭ قىزدارى سارى تەڭىزدەن كاسپي تەڭىزىنە دەيىنگى ۇلان-عايىر دالادا بيلىك جۇرگىزگەن ەكەن.