تۇركىستان وبلىسىندا تەرروريزمگە قارسى قورعانىس ماسەلەسى تالقىلاندى
باس قوسۋعا ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى مەن «اتامەكەن» ۇ ك پ- نىڭ وكىلدەرى، ءبىلىم بەرۋ مەن دەنساۋلىق ساقتاۋ باسقارماسى جانە باسقا دا مۇددەلى مەكەمە ماماندارى قاتىستى، دەپ حابارلايدى قازاقپارات ءتىلشىسى.
قازاقستان رەسپۋبيكاسىنىڭ ۇكىمەتى مەن تەرروريستىك تۇرعىدان وسال كەلەتىن نىسانداردىڭ قاتارىنا ەلەكترمەن، سۋمەن قامتاماسىز ەتەتىن، كاسىپكەرلىك پەن ساۋدا ورتالىقتارى، تەاتر، مادەني-سپورتتىق عيماراتتار، ءبىلىم جانە دەنساۋلىق ساقتاۋ مەكەمەلەرى مەن ترانسپورتتىق جانە تاعى باسقا قۇرىلىس نىساندارى جاتاتىنى بەلگىلى.
شارا بارىسىندا اتالعان نىسانداردىڭ يەلەرىنە جانە باسشىلارىنا تەررورلىق ارەكەتكە قارسى تۇرۋ، ينجەنەرلىك-تەحنيكالىق تالاپتاردى ساقتاۋدى كۇشەيتۋ مەن تەررورلىق ارەكەتتەرگە قارسى قورعانىس تالاپقا ساي بولۋ قاجەتتىلىگى ەسكەرتىلدى.
تەرروريستىك تۇرعىدان وسال ءارى قۇقىقتىق نورمالارعا ساي كەلمەيتىن، سونداي-اق تەررورلىق قورعانىس تالاپتارىن ورىندامايتىن مەكەمەلەردىڭ يەلەرى مەن كاسىپكەرلەردىڭ ماسەلەسى قارالدى.
وڭىرلىك پ د مالىمەتىنشە، اعىمداعى جىلدىڭ باسىنان باستاپ پوليتسەيلەر 100 گە جۋىق نىسانداردى تەكسەرگەن. جيىندا تەرروريزمگە قارسى قورعانىس تالاپتارىن ساقتاماعان نىسان باسشىلارى مەن يەلەرى جاۋاپقا تارتىلاتىنى ەسكەرتىلدى.