جاستار جىلى. جاس عالىمدار ءۇشىن جاڭا گرانتتار بولىنبەك
جاڭا باعدارلاما بويىنشا زاڭ سالاسىنىڭ 5 ماگيسترى «مەملەكەتتىك قۇقىق» جانە «جەكە قۇقىق» باعدارلامالارى بويىنشا PHD دوكتورانتۋراسىنا تەگىن وقۋعا مۇمكىندىك بەرىلەدى.
سونىمەن قاتار دوكتارانتۋراعا تۇسكەن جاس عالىمدار 3 جىل بويى جاتاقحانا تەگىن تۇرادى، ءارى ولار ديسسەرتاتسياسىن ءساتتى قورعاعان سوڭ جۇمىسقا ورنالاسۋ مۇمكىندىگى بەرىلەدى.
ماقسۇت نارىكبايەۆ اتىنداعى كازگيۋۋ ۋنيۆەرسيتەتى جوعارى زاڭ مەكتەبىنىڭ ديرەكتورى سەرگەي پەن جاڭا باعدارلاما جاستار جىلى اياسىندا ۇيىمداستىرىلعانىن اتاپ ءوتتى.
«جاستار جىلىنىڭ اشىلۋ سالتاناتىندا ەلباسى «جاس عالىمدارعا ءوز يدەيالارىن ناقتى جوبالارعا اۋدارۋعا كومەكتەسۋ كەرەك» دەپ اتاپ ءوتتى. پرەزيدەنت جاس عالىمداردىڭ زەرتتەۋىنە بولىنگەن گرانتتار سانىن 3 ميلليارد تەڭگەگە كوبەيتۋدى تاپسىردى. ءبىز ءوز تاراپىمىزدان جاستار جىلىنا ۇلەسىمىزدى قوسساق دەيمىز. قازىر الەمنىڭ زاماناۋي ۋنيۆەرسيتەتتەرى ءبىلىم بەرۋ قىزمەتىنە ەمەس، عىلىمي- زەرتتەۋ سالاسىنا باسا ءمان بەرۋدە» ، - دەدى ول.
ونىڭ پىكىرىنشە، جاڭالىق اشۋعا، زەرتتەۋ جۇمىستارىن جۇرگىزۋگە قىزىعۋشىلىق تانىتقان جاس مامانداردى قولداۋ ماڭىزدى ەكەن.
«بۇگىندە قۇقىق تاقىرىبىنداعى عىلىمي اقپاراتتىڭ باسىم بولىگى وزگە تىلدە. سوندىقتان پراكتيكالىق تاجىريبەسى بار، قۇقىقتىق بولجام جاساي الاتىن بىلىكتى دە ءبىلىمدى عالىمداردى دايىنداۋ وتە ماڭىزدى» ، - سەرگەي پەن.
وسى ورايدا جوعارى زاڭ مەكتەبىنىڭ ديرەكتورى جاس عالىمدارعا جاڭا گرانتتىق باعدارلامانىڭ شارتتارىن ءتۇسىندىردى.
«كانديداتتارعا قويىلاتىن نەگىزگى تالاپتار: اعىلشىن نەمەسە نەمىس تىلدەرىن ءبىلۋ، ساپالى ءارى نەگىزدى زەرتتەۋ تاقىرىبى مەن بۇرىن جۇرگىزىلگەن ناتيجەلى زەرتتەۋ جۇمىسىنىڭ بولۋى. بايقاۋدىڭ ءبىرىنشى كەزەڭىندە ۇمىتكەرلەردىڭ قۇجاتتارىن بايقاۋ كوميسسياسى سىرتتاي قارايدى. كەيىن جەكە سۇحباتقا شاقىرادى. كونكۋرستىڭ سىرتتاي كەزەڭى 2019 -جىلدىڭ 30 - ساۋىرىنە دەيىن، ۇمىتكەرلەرمەن سۇحبات 20 - ماۋسىمعا دەيىن وتەدى» ، - دەدى ول.