مەملەكەت باسشىسى ۇكىمەتتىڭ ورنىنان ءتۇسۋىن قابىلدادى

 استانا. قازاقپارات - ەلباسى نۇرسۇلتان نازاربايەۆ ق ر ۇكىمەتىنىڭ ورنىنان ءتۇسۋى تۋرالى جارلىققا قول قويىپ، پرەمەر- ءمينيستردىڭ مىندەتىن ۋاقىتشا اتقارۋدى اسقار مامينگە جۇكتەدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

جارلىقتىڭ ءماتىنىن نازارلارىڭىزعا ۇسىنامىز.

قازاقستان رەسپۋبليكاسىنىڭ ۇكىمەتى تۋرالى

قازاقستان رەسپۋبليكاسى كونستيتۋتسياسىنىڭ 70-بابىنا سايكەس قاۋلى ەتەمىن:

1.قازاقستان رەسپۋبليكاسى ۇكىمەتىنىڭ ورنىنان ءتۇسۋى قابىلدانسىن.

2. قازاقستان رەسپۋبليكاسى پرەمەر- ءمينيسترى مىندەتتەرىن ۋاقىتشا اتقارۋ اسقار ۇزاقباي ۇلى مامينگە جۇكتەلسىن.

3. قازاقستان رەسپۋبليكاسى ۇكىمەتىنىڭ مۇشەلەرى ۇكىمەتتىڭ جاڭا قۇرامى بەكىتىلگەنگە دەيىن ءوز مىندەتتەرىن اتقارۋدى جالعاستىرا بەرسىن.

 4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

 قازاقستان رەسپۋبليكاسىنىڭ  پرەزيدەنتى ن. نازاربايەۆ

 استانا، اقوردا، 2019 -جىلعى 21 - اقپان

 № 845