ءبىلىم بەرۋ جۇيەسىن وزگەرتۋ كەرەك پە

None
None
استانا. قازاقپارات - سمارتفون بالانىڭ ەستە ساقتاۋ قابىلەتىنە دە، اقپاراتتى قابىلداۋىنا دا اسەر ەتەتىنى بەلگىلى.

ءبىراق وسىنداي وزگەرىستەرگە وراي ءبىلىم بەرۋ جۇيەسى وزگەرىستەردى قاجەت ەتە مە؟ bbc باسىلىمى وسى سۇراققا جاۋاپ ىزدەپ كورىپتى.

«قازىرگى وقۋشىلاردىڭ پروبلەماسى - ولار سمارتفونداعى قوسىمشالارعا ۇيرەنىپ العانى سونشا، جان- جاقتارىنا ەلەڭدەپ وتىراتىن بولعان. 10 - 24 جاس ارالىعىنداعى Z ۇرپاق پەن 0 - 9 جاس ارالىعىنداعى الفا ۇرپاق تۋا سالا تەحنولوگيالارمەن ەتەنە جاقىن ءوستى. بۇل ءداستۇرلى ءبىلىم جۇيەسىنىڭ جاڭا زامانعا بەيىمدەلۋ كەرەكتىگىن كورسەتسە كەرەك»، دەپ جازادى باسىلىم.

اۆتوردىڭ پىكىرىنشە، ميدىڭ ەرتە دامۋى سوڭعى بىرنەشە جىلدا وتە كوپ زەرتتەلگەن تاقىرىپقا اينالعان. ونىڭ ىشىندە سمارتفوننىڭ بالانىڭ ميىنا اسەرى تۋرالى زەرتتەۋلەر وتە كوپ.

«تەحنولوگيا، الەۋمەتتىك جەلى، ينتەرنەتكە قوسىلۋدىڭ وڭاي قولجەتىمدىلىگى مەن سمارتفوندار بالالاردىڭ كەيبىر قابىلەتتەرىنە كەرى اسەر ەتەتىنىن كوپتەگەن زەرتتەۋلەر كورسەتتى. بالالاردىڭ ويلاۋ جۇيەسى دە، ميدىڭ دامۋى دا وزگەردى. بۇل جاعدايدى ۇستازدار دا بايقاپ وتىر»، دەپ جازادى اۆتور.

«بۇل - ۇلكەن پروبلەما. مىسالى، 12-14 جاستاعى بالالار ساباق ۇستىندە تەك 28 سەكۋند تىنىش وتىرا الادى»، دەپتى فيلادەلفيا مەكتەپتەرىنىڭ بىرىندە ساباق بەرەتىن لاۋرا شاد.

ۇستازداردىڭ ايتۋىنشا، قازىر وقۋشىلار ءىش پىستىراتىن ۇزاق ماتىندەردى وقىپ وتىرعىسى كەلمەيدى.

«ءداستۇرلى ءبىلىم بەرۋ جۇيەسىن وزگەرتۋ كەرەك پە دەگەن سۇراقتى قازىر وتە ءجيى ەستۋگە بولادى. دەگەنمەن، كوپ ماماندار ارالاس ساباق ءتۇرىن ۇسىنادى. ياعني، جوعارى تەحنولوگيانى ءداستۇرلى ءبىلىم بەرۋ تاسىلدەرىمەن ارالاستىرۋ. باستىسى، ۇستازبەن بايلانىستىڭ قۇنى تومەندەگەن جوق. سول سەبەپتى ۇستازدار وزدەرىن دامىتىپ، ۇنەمى بىلىمدەرىن جەتىلدىرىپ وتىرۋى ءتيىس»، دەيدى اۆتور.

سوڭعى جاڭالىقتار