تارازدا ءىرى كولەمدە ۇرلىق جاساعان قالا تۇرعىنى ۇستالدى

 استانا. قازاقپارات - تارازدا 38 جاستاعى ايەلدى توناپ كەتتى. ونىڭ اۆتوكولىگىنەن 30 مىڭ ا ق ش دوللارى، ەكى جارىم ميلليون تەڭگە جانە التىن بۇيىمدارىن ۇرلاپ كەتكەن.  

بۇل ۋاقىتتا جابىرلەنۋشى سۇلۋلىق سالونىندا بولعان كورىنەدى. ىزدەستىرۋ شارالارىنىڭ ناتيجەسىندە پوليتسەيلەر ۇرىنى ۇستادى. وبلىستىق پوليتسيا دەپارتامەنتىنىڭ باسپا ءسوز قىزمەتى بەرگەن مالىمەتكە سايكەس ول 28 جاستاعى بۇرىن ءىستى بولعان تاراز قالاسىنىڭ تۇرعىنى بولىپ شىقتى. ونىڭ تۇرىپ جاتقان پاتەرىن تەكسەرۋ كەزىندە ايعاق زاتتار تاركىلەندى.

ءتىنتۋ بارىسىندا 10 مىڭ ا ق ش دوللارى، شۆەيتسارلىق قىمبات ساعات جانە جالپى قۇنى 10 ميلليون تەڭگە بولاتىن التىن بۇيىمدار تابىلدى.  سونىمەن قاتار پاتەر مەن كولىك ەسىكتەرىن اشاتىن بىرنەشە قۇرال-سايماندارى تاركىلەندى. قازىر ول كىناسىن تولىق مويىنداپ، ۋاقىتشا ۇستاۋ يزولياتورىنا قاماققا الىندى

 

www.24.kz