فرانسيادا قۇدىقتار ىشىنەن تورمەن قاپتالعان

 استانا. قازاقپارات - فرانسيادا كاناليزاتسيا قۇدىق قاقپاقتارى سيرەك ۇرلانادى. سوڭعى رەت وسىنداي اتىشۋلى وقيعا بىلتىر نورمانديادا تىركەلدى.

سول كەزدە ءبىر ءتۇننىڭ ىشىندە 29 قاقپاق قولدى بولعان. ۇرىلار ءبىر بولىگىن 100 ەۋروعا وتكىزىپتى. قاسكويلەرگە قوعامدىق جۇمىستار اتقارۋ مەن 500 ەۋرو مولشەرىندە شىعىندى وتەۋ جازاسى شىعارىلعان.

ال وسىدان بەس اي بۇرىن پاريجدە اشىق قۇدىققا ءبىر ەر ادام قۇلاپ، اۋىر جاراقاتتانعان بولاتىن. قاقپاقتاردى ادەتتە باسپاناسىزدار اشىپ، قۇدىقتاردا ءوز مۇلكىن ساقتايدى. جالپى كاناليزاتسيا جۇيەسىن قالا اكىمشىلىگى مەن كوممۋنالدى قىزمەتتەر باقىلايدى. قۇدىقتاردىڭ كوبىسىندە بەتون قاقپاقتارعا اۋىستىرعان، ولاردىڭ ۇرلايتىنداي قۇندىلىعى جوق. كەيبىرەۋى ىشىنەن تورمەن قاپتالعان. «پاريج تۇرعىندارى قۇدىققا قۇلاپ كەتۋدەن قورىقپايمىز، دەگەنمەن دە ساق بولۋ كەرەك»، - دەيدى.

 

www.24.kz