قازاقستاندا ۇلتتىق ونەردى دارىپتەيتىن «دومبىرا» تەلەارناسى اشىلادى
«Dombyra» تەلەارناسى - قازاق حالقىنىڭ رۋحاني جان سەرىگىنە اينالعان مۋزىكالىق ءتول اسپاپتارىن، ءداستۇرلى اندەرى مەن ۇلتتىق كۇيلەرىن حالىققا بارىنشا ناسيحاتتايتىن جاڭا فورماتتاعى تەلەارنا بولۋدى كوزدەيدى. باعدارلامالار تاۋلىك بويى قازاق تىلىندە جۇرگىزىلەدى. ونىڭ ەفيرىندە وتاندىق ونەرپازداردىڭ ءان-كۇي، جىرلاردى كورسەتىلەدى. اسپاپتاردى ۇيرەنۋ مەكتەبى، قولونەر شەبەرلەرى جايلى باعدارلامالار تۇسىرىلەدى»، - دەدى قانات ەرجىگىتوۆ قازاقپارات تىلشىسىنە بەرگەن سۇحباتتا.
ونىڭ ايتۋىنشا، تەلەارنا جۇمىسى جەكە قارجىلاندىرۋ ەسەبىنەن جۇرگىزىلەدى.
«Dombyra» تەلەارناسى وتاۋ ت ۆ، «IDТV»، YOUTUBE جانە الەۋمەتتىك جەلىلەر ارقىلى تاراتىلادى. بۇل ارنانى اۋىلدا دا، قالادا دا تەگىن تاماشالاۋعا بولادى»، - دەدى تەلەارنا ديرەكتورى.
ەسكە سالا كەتسەك، 2018 -جىلى مەملەكەت باسشىسى نۇرسۇلتان نازاربايەۆتىڭ جارلىعىمەن شىلدە ايىنىڭ 1 جەكسەنبىسى «ۇلتتىق دومبىرا كۇنى» بولىپ جاريالانعان بولاتىن.
