داريعا نازاربايەۆا جۋرناليستەردى تىركەۋ ەرەجەسىنە قاتىستى پىكىر ءبىلدىردى

استانا. قازاقپارات - ق ر پارلامەنتى سەناتىنىڭ دەپۋتاتى داريعا نازاربايەۆا جۋرناليستەردى اككرەديتاتسيالاۋ ەرەجەلەرىنە تۇزەتۋ ەنگىزۋ مۇمكىندىگىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«تىڭعىلىقتى قاراپ شىقتىم. بۇقارالىق اقپارات قۇرالدارىنداعى جاۋاپتاردى، مەديا قوعامداستىقتىڭ جاۋاپتارىن دا وقىدىم. سونىمەن قاتار، اقپارات جانە كوممۋنيكاتسيالار مينيسترلىگى تاراپىنان ايتىلعان كوزقاراستان دا حاباردار بولدىم. مەنىڭ بىلۋىمشە، وسى تاقىرىپ بويىنشا اقپارات جانە كوممۋنيكاتسيالار ءمينيسترى كاسىبي قوعامداستىقپەن كونسەنسۋسقا قول جەتكىزىلگەن كەزدە عانا بۇيىققا ءتيىستى مىندەتتى تۇردە تۇزەتۋلەر ەنگىزىلەتىنىن ايتتى»، - دەدى داريعا نازاربايەۆا سەناتتا تىلشىلەردىڭ ساۋالىنا جاۋاپ بەرە وتىرىپ.

وسى ورايدا، سەناتور جۋرناليستەردى بارلىق ۆەدومستۆولاردىڭ نورماتيۆتىك-قۇقىقتىق قۇجاتتارىن بەلسەندى تۇردە زەرتتەۋگە شاقىردى.

«بۇل تۇرعىدا ەكى ۇلكەن وڭتايلى جاعدايدى بايقاۋعا بولادى. بىرىنشىدەن، بۇگىندە ونلاين-رەجيمدە ينتەرنەتتە اتقارۋشى ورگانداردىڭ نورماتيۆتىك-قۇقىقتىق اكتىلەرى جوبالارىن كورۋگە بولادى. بۇرىندارى وسىنداي مۇمكىندىك جوق ەدى. بۇل رەتتە جۋرناليستىك قوعامداستىق ۆەدومستۆولارىنىڭ اتالعان قۇجاتتارىن بەلسەندى تۇردە زەرتتەگەنى دۇرىس بولار دەپ سانايمىن»، - دەدى د. نازاربايەۆا.

ونىڭ سوزىنە قاراعاندا، اتالعان ماسەلەدە مامىلەگە كەلۋ كەرەك.

«ەكىنشىدەن، بۇگىندە سىزدەردە وسىنىڭ بارلىعىن تالقىلاۋعا، پىكىر الماسۋعا، قارسىلىق بىلدىرۋگە مۇمكىندىكتەرىڭىز بار. قازىرگى كەزدە نەگىزگى داۋلى ماسەلەلەر بويىنشا ءتيىستى ۇسىنىستار نازارعا الىندى دەپ ويلايمىن»، - دەدى سەناتور.

ەستەرىڭىزگە سالا كەتەيىك، ق ر اقپارات جانە كوممۋنيكاتسيالار ءمينيسترى داۋرەن ابايەۆ جۋرناليستەردى اككرەديتاتسيالاۋ ەرەجەلەرىن كەڭىنەن تالقىلاۋعا بايلانىستى ۆيتسە-مينيستر نۇرگۇل ماۋبەرلينوۆاعا تاپسىرما بەرگەن ەدى.

ايتا كەتەيىك، وسى اپتاداعى ۇكىمەت وتىرىسىنان كەيىن مينيستر جۋرناليستەردى اككرەديتاتسيادان وتكىزۋ جانە تاقىرىپ بويىنشا سۇراق قويۋ ماسەلەسىنە قاتىستى پىكىر بىلدىرگەن بولاتىن.

بۇعان دەيىن جۋرناليستەردى اككرەديتاتسيالاۋ ەرجەلەرىنە تۇزەتۋلەر جوباسى جاريالانعان ەدى.

اككرەديتاتسيا (Сrеdіt - لاتىن ءسوزى، اۋدارماسى - سەنىم) - ۇيىمداردىڭ، جەكە تۇلعالاردىڭ، تاۋارلاردىڭ، تۇرعىندارعا كورسەتىلەتىن كىزمەتتەردىڭ ت. ب. بەلگىلى ءبىر تالاپتارعا ساي كەلەتىندىگىن، ولاردىڭ وسى تۇرعىدان اسا جاۋاپتى قىزمەت اتقارۋىنا مۇمكىنشىلىك تۋدىراتىن نەمەسە قالىپتاسقان ساپالىق ستاندارتتارعا سايكەستىگىن كۋالاندىراتىن، وكىلەتتى ورگاندار تاراپىنان جۇرگىزىلەتىن ءىس- شارالار.

ال جۋرناليستەرگە بايلانىستى ايتار بولساق، ءىس-شارالارعا بايلانىستى شاقىرىلعان نەمەسە كەلگەن ب ا ق-وكىلدەرىن تىركەۋگە الۋدى اككرەديتاتسيالاۋ دەپ اتايدى.