تەست جاۋاپتارىن ساتىپ الماق بولعان مەدۋنيۆەرسيتەت ستۋدەنتتەرى وقۋدان قۋىلدى

الماتى. قازاقپارات - سانجار اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ ءبىرقاتار ستۋدەنتتەرى اكادەميالىق ادىلدىك قاعيداتتارىن بۇزعانى ءۇشىن وقۋدان قۋىلدى، دەپ حابارلايدى قازاقپارات ءتىلشىسى وقۋ ورنىنىڭ باسپا ءسوز قىزمەتىنە سىلتەمە جاساپ.

ستۋدەنتتەر تەست ساۋالدارىنىڭ دۇرىس جاۋاپتارىن ساتىپ الماق بولعان.

«اكادەميالىق ادالدىق قاعيداتتارى ستۋدەنتتەردىڭ ار-ۇيات كودەكسىندە تولىق كورسەتىلگەن. بۇل - وقىتۋ باعدارلامالارى، ءبىلىم دەڭگەيىن باعالاۋ جۇيەسى، ەمتيحاندارعا قويىلاتىن تالاپتار جانە مىنەز-قۇلىق ەرەجەسى. اكادەميالىق ادالدىق قوسىمشاسىندا ەرەجە بۇزعاندارعا تاعايىندالاتىن جازا مەن تارتىپتىك شارالار كورسەتىلگەن»، - دەدى باسپا ءسوز قىزمەتىنەن.

بۇل قۇقىق بۇزۋشىلىقتار بيىلعى وقۋ جىلىنىڭ كۇزگى سەمەسترىندە، قىسقى ەمتيحان سەسسياسى كەزىندە انىقتالعان.

«ستوماتولوگيا جانە جالپى مەديتسينا فاكۋلتەتىنىڭ 9 ستۋدەنتى اقپاراتتىق-كوممۋنيكاتسيالىق تەحنولوگيالار، جاسۋشا بيولوگياسى، بيوفيزيكا ساباقتارىنان تەست جاۋاپتارىن ساتىپ الۋ ءۇشىن اقشا جيناۋعا بەلسەندى قاتىسقان»، - دەدى ج و و باسپا ءسوز قىزمەتىنەن.

ايتا كەتۋ كەرەك، قاز ۇ م ۋ قاۋىپسىزدىك ءبولىمى اتالمىش دەرەكتەر بويىنشا ەگجەي-تەگجەيلى تەكسەرۋ جۇمىستارىن جۇرگىزگەن.