قازاقستاننىڭ ەڭ لاس قالالارى بەلگىلى بولدى
بۇل رەيتينگكە بارلىق وبلىس ورتالىقتارى، الماتى، استانا قالالارى جانە ماڭعىستاۋ وبلىسىنداعى بەينەۋ ەلدىمەكەنى كىرگەن.
مەتورولوگتار بۇل ايماقتارداعى اۋا قۇرامىنان فورمالدەگيد، كۇكىرتتى سۋتەك جانە باسقا دا قاتەرلى قوسپالاردىڭ قاۋىپتى مولشەرىن انىقتاعان.
تەمىرتاۋ قالاسىندا دا جاعداي قيىن. ول جاقتا قارا قاردىڭ جاۋىپ جۇرگەنىنە بىرنەشە جىل بولعان.
قالاعا كەلگەن تانىمال رەسەيلىك بلوگەر يليا ۆارلاموۆ مەتاللۋرگيالىق كومبينات قالانى جانداندىرۋشى مەكەمە بولا تۇرا، ونى ءولتىرىپ جاتقانىن مالىمدەگەن.
«ارسەلورميتتال تەمىرتاۋ» باس ديرەكتورى ايماق باسشىسىنا ەكولوگيا ماسەلەسىن شەشۋگە تىرىسىپ جاتقانىن جەتكىزدى.
«قالانى جانداندىرىپ تۇرعان ونەركاسىپتىڭ نەگىزى وتكەن عاسىردىڭ 40-جىلدارى قالانعان. مودەرنيزاتسيا پروتسەسى وڭاي ەمەس. ونىڭ ۇستىنە ءوندىرىستى جالعاستىرىپ جاتىرمىز.
سىزدەردەن قولداۋ مەن تۇسىنىستىك تانىتۋدى سۇرايمىز. جوبالارىمىزدى ىسكە اسىرۋ ءۇشىن كوپتەگەن ساراپتاما مەن ماقۇلداۋلار الۋ كەرەك. ال بۇعان ۋاقىت قاجەت»، - دەدى كومپانيا باسشىسى پارامجيت كالون.