دوپينگ قولدانعان سپورتشىلاردى سىياقىدان، باسپانادان ايىراتىن زاڭ جوباسى ازىرلەنۋدە

استانا. قازاقپارات - استانادا ق ر ۇلتتىق وليمپيادالىق كوميتەتىنىڭ سپورتتاعى دوپينگپەن كۇرەس ماسەلەسىنە ارنالعان كەڭەيتىلگەن وتىرىسى ءوتتى، دەپ حابارلايدى قازاقپارات.

شارا بارىسىندا انتيدوپينگ ماسەلەلەرى تالقىلاندى. ونىڭ ىشىندە، تىيىم سالىنعان ءدارى-دارمەكتەردى قولدانۋعا تۇبەگەيلى قارسىلىق تانىتۋ باعىتىنا باسىمدىق بەرىلدى.

اتاپ وتىلگەندەي، ق ر ۇ و ك تازا كۇرەستە جەڭىسكە جەتۋ قاعيداتىن ۇستانۋدى جالعاستىرادى. جينالعاندار سونداي-اق «تازا» سپورتشىلاردى قورعاۋ ماسەلەسىن كوتەردى. بۇل، وليمپيادا قارساڭىندا اسىرەسە وزەكتى.

«وسىعان وراي، لاۋازىمدى تۇلعالار مەن سپورتشىلار ءوز جۇمىستارىن اتقارۋ بارىسىندا نەگىزگى قاعيدالاردىڭ بارلىعىن ۇستانۋى كەرەك. قازاقستان سپورتى تەك «تازا» جەڭىستەردىڭ ارقاسىندا دامۋدى كوزدەيدى»، - دەلىنگەن وlympic.kz سايتىندا جاريالانعان اقپاراتتا.

بۇدان بولەك، ق ر مادەنيەت جانە سپورت مينيسترلىگىنىڭ مالىمەتىنە سايكەس، قازىرگى ۋاقىتتا دوپينگ قولدانعان سپورتشىدان حالىقارالىق دەڭگەيدەگى جەڭىستەرى ءۇشىن بەرىلگەن سىياقىلاردى، باسپانانى جانە باسقا دا جۇلدەلەردى قايتارىپ الۋدى كوزدەيتىن زاڭ جوباسى ازىرلەنۋ ۇستىندە.

جيىنعا ق ر ۇ و ك باسشىلىعى، ق ر مادەنيەت جانە سپورت مينيسترلىگىنىڭ وكىلدەرى، قازاقستاندىق دوپينگكە قارسى ورتالىق ديرەكتورى مايرا باقاشەۆا، ۇلتتىق قۇراما كوماندا باسشىلارى، فەدەراتسيالاردىڭ دوپينگ بويىنشا جاۋاپتى تۇلعالارى جانە شتاتتاعى دارىگەرلەر قاتىستى.