رەسەيدىڭ جاڭا يادرولىق قۇرالدارى: اڭىز با، الدە اقيقات پا؟
ا ق ش تا، رەسەي دە بيىل اقپاندا 1987-جىلعى ورتا جانە قىسقا قاشىقتىققا ۇشاتىن زىمىرانداردى جويۋ تۋرالى كەلىسىمنەن شىعاتىندارىن مالىمدەگەندىكتەن يادرولىق قارۋ جاساۋدىڭ جاڭا كەزەڭى باستالىپ كەلە جاتقان سىڭايلى. پۋتين الەمدە رەسەيدىڭ جاڭا زىمىراندارىنداي زىمىران جوق دەيدى. مۇنىسى راس پا؟
«اۆانگارد»
اۆانگارد - دىبىستان جىلدام سىرعىمالى قۇرال قۇرلىقارالىق زىمىرانمەن جونەلتۋگە لايىقتالعان. ۇشىرىلعان سوڭ ول اتموسفەرانىڭ ۇستىڭگى قاباتىندا قالىقتاپ، 20 ماحقا دەيىنگى جىلدامدىقپەن (بۇل دىبىس جىلدامدىعىنان 20 ەسە شاپشاڭ) جۇيتكيدى. ول يادرولىق نەمەسە باسقا دا جۇكتى تاسىمالداي الادى.
ا ق ش- تا زىمىرانعا قارسى قورعانىس قۇرالدارىن ورناتۋ ىسىنە قوعام نازارىن اۋدارۋمەن اينالىساتىن ۇكىمەتتىك ەمەس ۇيىم - «يادرولىق زىمىراننان قورعانىس اليانسىنىڭ» (MDAA) ايتۋىنشا، مانيەۆر جاساۋ مۇمكىندىگى مەن امبەباپتىعىنا بايلانىستى بۇل قۇرالدى «ستراتەگيالىق تۇرعىدا باعالى» قارۋعا جاتقىزۋعا بولادى.
رەسەيدىڭ يادرولىق ارسەنالىن زەرتتەۋمەن اينالىساتىن ماسكەۋدە ورنالاسقان ۇكىمەتتىك ەمەس ۇيىم - «رەسەيدىڭ يادرولىق قۋاتى» جوباسىنىڭ ديرەكتورى پاۆەل پودۆيگتىڭ ايتۋىنشا، «اۆانگاردتى ءساتتى شىققان جوبا دەپ ساناۋعا بولادى جانە ول كەلەسى جىلى قولدانىلا باستاۋى مۇمكىن دەگەن بولجام بار».
دىبىستان جىلدام X-47M2 «كينجال» (قانجار) زىمىرانى
«كينجال» قازىردىڭ وزىندە اسكەري ارسەنالدا پايدالانىلىپ ءجۇر. اقپارات قۇرالدارىنىڭ حابارلاۋىنشا، 10 MiG-31 تىكۇشاعى وسى زىمىراندى تاسۋ ءۇشىن قايتا جابدىقتالعان. MDAA دەرەگىنشە، زىمىران ۇشىرىلعاننان بىرنەشە سەكۋند وتكەن سوڭ دىبىس جىلدامدىعىمەن جۇيتكىپ، ۇشۋدىڭ كەز كەلگەن كەزەڭىندە مانيەۆر جاساي الادى. بۇل راس بولسا، وندا ول ا ق ش- تىڭ قازىر بار اۋە جانە زىمىراننان قورعانىس جۇيەسىنىڭ بارلىعىنان اسىپ تۇسەدى.
RS-28 «سارمات» قۇرلىقارالىق بالليستيكالىق زىمىرانى
اسا ءىرى RS-28 قۇرلىقارالىق بالليستيكالىق زىمىرانى ءالى دايىندالىپ جاتىر. رەسەيدىڭ ستراتەگيالىق يادرولىق كۇشتەرى «سارماتتى» بىرنەشە رەت جەڭىل سىناقتان وتكىزگەن. مەملەكەتتىك ت ا س س اقپارات اگەنتتىگىنىڭ حابارلاۋىنشا، بيىل ونى ۇشىرۋ سىناعىنان وتكىزۋ جوسپارلانعان. MDAA- نىڭ ايتۋىنشا، RS-28 - «ا ق ش- تىڭ الەۋەتىمەن تەڭ كەلەتىن، ءتىپتى ودان اسىپ تۇسەتىن قۇرال، ول رەسەيدىڭ يادرولىق سۋپەردەرجاۆا ءرولىن نىعايتۋعا مۇمكىندىك بەرەدى». ال پودۆيگتىڭ ايتۋىنشا، بۇل زىمىران «ءداستۇرلى»، ياعني تەكسەرۋدەن وتكەن ەسكى تەحنولوگيالارعا سۇيەنەدى.
9M730 «بۋرەۆەستنيك» يادرولىق قاناتتى زىمىرانى
بۇل قارۋ تۋرالى اقپارات از. رەسمي اقپارات قۇرالدارى «بۋريەۆەستنيكتىڭ» قۇراستىرىلىپ جاتقانىن حابارلاعان. ا ق ش- تىڭ يادرولىق بارلاۋ مالىمەتتەرىنە قاراعاندا، وسى كۇنگە دەيىن بەلگىلى بولعان 13 سىناقتىڭ بىرەۋى عانا ءبىرشاما ءساتتى بولعان.
The Diplomat گازەتىنە سۇحبات بەرگەن ا ق ش- تىڭ ۇكىمەت وكىلىنىڭ پىكىرىنشە، قاڭتاردىڭ 29 ىنداعى سوڭعى سىناق جارتىلاي ءساتتى بولعان. ينجەرنەرلىك تۇرعىدا قيىن بولعاندىقتان ءارى قاۋىپسىزدىك ماسەلەسىنە بايلانىستى وسى كۇنگە دەيىن بىردە-ءبىر ەل يادرولىق رەاكتورى بار قاناتتى زىمىراندى قولدانىسقا ەنگىزگەن جوق. پاۆەل پودۆيگتىڭ ايتۋىنشا، بۇل - شىنىمەن ريەۆوليۋتسيالىق قارۋ بولۋى مۇمكىن، دەگەنمەن ول بۇل ءۇمىتتى اقتاي ما، جوق پا، بۇل جونىندە بىردەڭە ايتۋ ەرتەرەك.
«پوسەيدون» سۋاستى درونى
پۋتين اقپاننىڭ 2 سىندە «رەسەيدىڭ جاڭا سۋاستى قارۋى تەڭىزدەگى سىناقتىڭ ماڭىزدى كەزەڭىن ءساتتى اياقتادى» دەپ مالىمدەدى. ا ق ش قورعانىس دەپارتامەنتى جاساعان «امەريكانىڭ 2018-جىلعى يادرولىق ساياساتىنا شولۋعا» سەنسەك، «پوسەيدون» - «يادرولىق قارۋى بار، يادرولىق وتىنمەن جۇرەتىن، جاڭا قۇرلىقارالىق تەڭىزاستى تورپەدوسى».
رەسەي قورعانىس يندۋسترياسىنداعى دەرەككوزدەر وسى جىلدىڭ باسىندا ت ا س س- قا بەرگەن سۇحباتىندا قارۋ جۇيەسى ىسكە جارامدى دەپ تانىلىپ، قولدانۋ سىناقتارىنان وتكەن سوڭ رەسەي اسكەري-تەڭىز كۇشتەرى «پوسەيدون» سىرتتان باسقارىلاتىن سۋاستى كولىگىنىڭ 30 داناسىن پايدالانا باستايدى دەگەندى ايتقان. پاۆەل پودۆيگتىڭ ايتۋىنشا، «پوسەيدون» - «رەسەي قورعانىس سالاسىنىڭ جەڭىسى» دەپ قورىتىندى جاساۋ ءالى ەرتە.
«پەرەسۆەت» لازەرلىك شابۋىلداۋ جۇيەسى
ەنەرگەتيكالىق قۋاتى كۇشتى «پەرەسۆەت» لازەرلىك قارۋى 2018-جىلى جەلتوقساننىڭ 1 ءى كۇنى پايدالانۋعا جارامدى دەپ جاريالاندى. ماسكەۋ بۇل قارۋعا قاتىستى مالىمەتتەردى جارىققا شىعارۋ ءالى ەرتە دەپ وتىرعاندىقتان، ونىڭ دەتالدارى تۋرالى اقپارات وتە از، ءتىپتى ونىڭ قۋات-كۇشى، قانداي ماقساتقا قولدانىلاتىنى بەلگىسىز. قولدا بار سۋرەتتەرگە قاراساق، ونىڭ ا ق ش اسكەري-تەڭىز كۇشتەرىنىڭ USS Ponce اسكەري كەمەسىمەن 2017-جىلى تەڭىزگە شىققان «لازەرلىك قارۋ جۇيەسىنە» ۇقساستىعى بايقالادى.
Popular Mechanics عىلىمي-كوپشىلىك جۋرنالىنىڭ پىكىرىنشە، قۋاتى تومەن لازەر كىشكەنتاي دروندار مەن ەلەكترو-وپتيكالىق قۇرالداردى (سونىڭ ىشىندە ادامنىڭ كوز الماسىن) كۇيدىرىپ جىبەرۋگە قاۋقارلى. باسىلىمنىڭ جازۋىنشا، قۋاتى كۇشتىرەك لازەر «ۇلكەنىرەك دروندار مەن ۇشقىشى بار شاعىن ۇشاقتارعا قاۋىپ توندىرە الادى».
«ازاتتىق»