ديماش ا ق ش- تا ءوتىپ جاتقان بايقاۋدىڭ ەكىنشى تۋرىندا حالىق ءانىن ورىندايدى

None
None
استانا. قازاقپارات - ءانشى ديماش قۇدايبەرگەن امەريكاداعى «The World's Best» بايقاۋىنىڭ ەكىنشى تۋرىندا حالىق ءانىن شىرقايدى.

بۇل تۋرالى ءانشى ينستاگرام پاراقشاسىندا جازدى، دەپ حابارلايدى قازاقپارات ءتىلشىسى.

امەريكاداعى بايقاۋ تۋرالى شاعىن ۆيدەو جولداعان ديماش قۇدايبەرگەن كوپتەگەن ەلدەردە ونەر كورسەتكەنىن، دەگەنمەن، بۇل جوبا امەريكاداعى ەڭ العاشقى بايقاۋى ەكەنىن ايتادى.

«ەرتەڭ مەنىڭ ارمانىم ورىندالاتىن كۇن. قازاقتىڭ حالىق ءانى امەريكانىڭ ورتالىق ارناسىندا. The world's best» ، - دەپ جازدى ءانشى ءوز پاراقشاسىندا.

ەسكە سالا كەتسەك، وسىدان ەكى اپتا بۇرىن ديماشتىڭ «The World's Best» بايقاۋىنىڭ العاشقى تۋرىندا ونەر كورسەتكەن ۆيدەوسى جاريالانعان بولاتىن. ءانشى ءبىرىنشى راۋندتا انسۇيەر قاۋىمنىڭ قۇلاعىنىڭ قۇرىشىن قاندىرعان S. O. S d'un terrien en détresse كومپوزيتسياسىن ورىندادى.

سوڭعى جاڭالىقتار