19:06, 20 - اقپان 2019 | GMT +6
الماتى زووباعىنداعى تۇيە بوتالادى
الماتى. قازاقپارات - الماتى زووباعىندا ءبىر وركەشتى نار بوتالادى. بۇل تۋرالى زووباقتىڭ باسپا ءسوز قىزمەتىنەن حابارلادى.
زووباق ديرەكتورىنىڭى مىندەتىن اتقارۋشى ايگۇل تۇلەيەۆانىڭ ايتۋىنشا، بۇل بيىلعى ءتولدىڭ الدى بولدى.
«2019 -جىل جاقسى جاڭالىعىمەن كەلدى. اقپاننىڭ 6-7 - قاراعان ءتۇنى ءبىر وركەشتى تۇيەلەر جۇبىندا ۇرعاشى بوتا تۋدى. بيىل دا مولشىلىققا تولى جىل بولادى دەپ سەنەمىز» ، - دەدى ايگۇل تۇلەيەۆا.
جاس بوتا كارانتين ورتادان بوساپ، ەنەسىنە قوسىلدى. قازىر ونى الماتىلىقتار اشىق تاماشالاي الادى.
الماتى زووباعىنداعى تۇيە بوتالادى
نار تۇيە زووباققا 2006 -جىلى اكەلىنگەن. بۇل ولاردىڭ 6- ءتولى.
الماتى زووباعىندا ناردان بولەك تاعى قوسوركەشتى تۇيەنىڭ جۇبى بار.
بىلتىر زووباقتا 37 ءتول دۇنيەگە كەلگەن بولاتىن. ايتا كەتەرلىگى، كوپتەن كۇتكەن قوقيقاز بالاپان باسىپ شىعاردى.