18:31, 20 - اقپان 2019 | GMT +6
ترامپ قىتاي تاۋارلارىنا سالىناتىن باج سالىعىن كەيىنگە شەگەرۋى مۇمكىن
استانا. قازاقپارات - ا ق ش پرەزيدەنتى دونالد ترامپ قىتاي تاۋارلارىنا سالىناتىن باج سالىعى كەيىنگە شەگەرىلۋى مۇمكىن ەكەنىن جەتكىزدى. سونىمەن قاتار اق ءۇي باسشىسى تىلشىلەرگە بەرگەن سۇحباتىندا ەكى تاراپتىڭ جاساعان ساۋدا كەلىسىمىنىڭ اياقتالۋ مەرزىمى تاياپ قالعانىن ايتتى.
سونداي- اق ا ق ش پەن قىتايدىڭ اراسىندا كەلىسسوزدەر وڭايعا سوقپاسا دا، ناتيجەسى جاقسى ەكەنىن تىلگە تيەك ەتتى. ەستەرىڭىزگە سالايىق، وتكەن جىلدىڭ جەلتوقسانىندا دونالد ترامپ پەن قىتاي پرەزيدەنتى شي جينپين ارگەنتينادا وتكەن G20 ءسامميتى كەزىندە 3 ايلىق مەرزىمگە ساۋدا كەلىسىمىن جاساۋعا ۋاعدالاسقان بولاتىن. وسىلايشا ۆاشينگتون قۇنى 200 ميلليارد دوللار بولاتىن قىتاي تاۋارلارىنا 25 پايىز باج سالىعىن سالۋدان باس تارتقان ەدى.
www.24.kz