دەلدالداردىڭ كوزىن جويۋ كەرەك - داۋرەن ابايەۆ

 استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ مەملەكەتتىك قىزمەتتەر سالاسىندا دەلدالدارمەن كۇرەستى كۇشەيتۋدى تاپسىردى، دەپ حابارلايدى قازاقپارات ءتىلشىسى.

«ازاماتتارعا ارنالعان ۇكىمەت» مەملەكەتتىك كورپوراتسياسى جەمقورلىققا قارسى جۇمىستى كۇشەيتۋى ءتيىس. ماسەلەن، مەملەكەتتىك كورپوراتسياعا مۇلدەم قاتىسى جوق كەي ادامدار وڭاي ولجانىڭ ءتۇرلى تاسىلدەرىن ويلاپ تاپقان. ولار قىزمەت تۇرلەرىن وزدەرى الىپ ۇيرەنبەگەن ازاماتتارعا كومەكتەسكەن بولىپ، سول ءۇشىن اقشا الادى. سوندىقتان، مەملەكەتتىك كورپوراتسيا وسىنداي دەلدالداردىڭ جۇمىسىن دەر كەزىندە انىقتاپ، دەرەۋ جويۋى قاجەت» ، - دەدى د. ابايەۆ مينيسترلىكتىڭ القا ماجىلىسىندە.

ايتا كەتەيىك، جاقىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى كولىك قۇجاتتارىن راسىمدەگەندە الاياقتارعا الدانباۋعا كەڭەس بەرگەن ەدى. اگەنتتىكتىڭ مەملەكەتتىك قىزمەتتەر دەپارتامەنتىنىڭ ديرەكتورى يلدار ۇيسىمبايەۆتىڭ ايتۋىنشا، ماماندىرىلعان حالىققا قىزمەت كورسەتۋ ورتالىقتارىندا جۇرەتىن دەلدالدار حالىقتىڭ ساۋاتسىزدىعىن پايدالانىپ جاتادى.

«ولار حالىقتى اشىق الدايدى. مىسالى، ءبىر ادامعا كەلەدى دە، كولىكتى تىركەۋگە قويۋدى، يا بولماسا، تىركەۋدەن الۋدى جىلدام ىستەپ بەرە الامىن دەيدى. ءبىر- ءبىر جارىم ساعاتتىڭ ىشىندە دايىن بولادى دەپ سەندىرەدى. نەگىزى، اتالعان مەملەكەتتىك قىزمەت تۋرا سول ۋاقىتتا - ءبىر ساعاتتىڭ ىشىندە جاسالادى. بارلىق قۇجاتتار دۇرىس بولسا، وپەراتورعا تاپسىرۋ قاجەت. بولدى. ەشقانداي دەلدال دا كەرەك ەمەس. ءبىر ساعاتتىڭ ىشىندە ءبارى دايىن بولادى. ال دەلدالدار حالىقتىڭ ساۋاتسىزدىعىن پايدالانىپ، سونى وزدەرى ىستەگەندەي بولادى. بىلايشا ايتقاندا، اداممەن بىرگە وتىرىپ كۇتەدى. سول ءۇشىن اقشا الىپ كەتەدى» ، - دەدى ە. ۇيسىمبايەۆ استانادا وتكەن باسپا ءسوز ءماسليحاتىندا.

 ونىڭ ايتۋىنشا، مەملەكەتتىك نومىرلەردىڭ ارنايى ۇلگىلەرىنە قاتىستى الاياقتىق ارەكەتتەر دە كوپ. دەلدالدار ارنايى ءنومىردى الىپ بەرۋگە كومەكتەسەمىز دەيدى دە، سول ءۇشىن اقى الادى. ال ونىڭ ءبارىن ەلەكتروندى ۇكىمەت پورتالىندا، سونداي- اق، ماماندىرىلعان ح ق ك و- نىڭ وزىندە ەشبىر كەدەرگىسىز الۋعا بولادى. «ازاماتتارعا ارنالعان ۇكىمەت» مەملەكەتتىك كورپوراتسياسى ءتوراعاسىنىڭ ورىنباسارى اسەمگۇل بالتاشيەۆانىڭ سوزىنە قاراعاندا، وتكەن جىلى رەسپۋبليكا بويىنشا ىشكى قاۋىپسىزدىك قىزمەتى دەلدالدىقتىڭ 290 فاكتىسىن انىقتادى.

 «ءبىز سونىڭ ءبارىن تىركەپ، ءتيىستى قۇزىرەتتى ورگاندارعا جىبەردىك. اكىمشىلىك حاتتامالار راسىمدەلدى. بۇگىندە ءوزىن ساقتاندىرۋ اگەنتىمىن دەپ تانىستىراتىن دەلدالدار كوپ. ءبىراق ساقتاندىرۋدىڭ ءوزىن ونلاين رەجيمدە پورتالدان الۋعا بولادى. حالىق كوپ جاعدايدا ونى بىلمەيدى دە، دەلدالدارعا الدانىپ قالادى» ، - دەپ اتاپ كورسەتتى ءا. بالتاشيەۆا.