قىرعىزستان مەن وزبەكستاننان كەلەتىن ونىمدەرگە شەكتەۋ قويىلماق
«اتاپ ايتقاندا، قىرعىز رەسپۋبليكاسىنان تۇقىمدىق جانە ازىقتىق كارتوپقا، الما، قۇرما، ال وزبەكستاننان انار كىرگىزۋگە شەكتەۋ قويىلدى. سوڭعى ۋاقىتتا قىرعىز رەسپۋبليكاسى مەن وزبەكستاننان ەنگىزىلگەن، كارانتينگە جاتقىزىلعان ونىمدەردەن جۇيەلى تۇردە مىناداي كارانتيندىك وبەكتىلەردىڭ انىقتالۋى جيىلەپ كەتتى: ناقتىراق ايتساق، الما مەن قۇرمادا كارانتيندىك وبەكت - كومستوك سىمىرى انىقتالدى. ال كارتوپتا التىن تۇستەس جۇمىرقۇرتتىڭ بارى بەلگىلى بولدى» ، - دەدى ق ر اۋىل شارۋاشىلىعىندا وتكەن باسپا ءسوز ءماسليحاتىندا ا و ك مەملەكەتتىك ينسپەكتسيا كوميتەتى باسشىسىنىڭ ورىنباسارى المابەك مارس.
بەلگىلى بولعانداي، 2018 -جىلى جانە وسى جىلدىڭ قاڭتار- اقپان ايلارىنداعى قىرعىزستاننان قازاقستانعا جەتكىزىلگەن كارانتيندىك جۇكتەردى تەكسەرۋ كەزىندە ءبىرىڭعاي كارانتيندىك فيتوسانيتاريالىق تالاپتاردىڭ بۇزىلۋىنىڭ 465 فاكتىسى تىركەلگەن.
«وسى جىلى وزبەكستان ايماعىنان ەنگىزىلگەن اناردان 2 كومستوك سىمىرى انىقتالدى» ، - دەيدى المابەك مارس.
مامانداردىڭ ايتۋىنا قاراعاندا، سىمىردىڭ شوعىرلانۋى جەمىستىڭ ءوسۋ نۇكتەلەرى مەن وركەننىڭ كەبۋىنە، قۋراۋىنا، جاپىراقتىڭ سارعايۋى مەن تۇسۋىنە، وسىمدىكتىڭ قۋراۋىنا اكەلىپ سوعادى. جەمىس قاتتى زالالدانعان ۋاقىتتا كەۋىپ، قاتايىپ، ساپاسى مەن ءدامى ناشارلايدى جانە سالماعى ازايادى. ال كارتوپتىڭ التىن تۇستەس جۇمىرقۇرتى تامىر مەن ءتۇيىندى زاقىمداپ، كارتوپقا زيان كەلتىرەدى.