مىنەزىڭىزدى جاقسى جاققا وزگەرتكىڭىز كەلە مە؟
جاعىمسىز قاسيەتتەرىڭىزدى دۇرىس انىقتاۋ ءۇشىن جاقىندارىڭىزدىڭ كومەگىنە جۇگىنىڭىز. ءسىزدىڭ بويىڭىزداعى وزدەرى ۇناتپايتىن قاسيەتتەردى جاسىرماي ايتۋىن ءوتىنىڭىز. كەيدە كەمشىلىكتەرىمىزدى بايقاماي جاتساق، ەندى بىردە ارتىق كەتىپ جاتامىز.
قاجەتتى، قاجەتسىز مىنەزدەردىڭ جانىنا ولاردان قالاي ارىلىپ جانە كەرىسىنشە قالاي يە بولۋ جولدارىن جازىڭىز. مىسالى، جالقاۋلىقتى جوعارى بەلسەندىلىكپەن، پەسسيميزمدى ءپوزيتيۆتى كوڭىل- كۇيمەن، كەكتى مەيىرىمدىلىكپەن، سەنىمسىزدىكتى باتىلدىقپەن جەڭۋگە بولادى.
مىنەزىڭىزدى وزگەرتۋدىڭ قانداي ۇتىمدى تۇستارى بار ەكەندىگىن ويلاڭىز. بۇل سىزگە شابىت سىيلايتىن بولادى. الايدا وزگەرۋ ءۇشىن كوپ ۋاقىت قاجەت ەكەندىگىن، مۇنىڭ بارلىعى ەرىك- جىگەرىڭىزدى ۇشتايتىندىعىن ەسكەرىڭىز.
كەيدە سىرتقى كورىنىستى وزگەرتۋ ارقىلى ادامنىڭ جان- دۇنيەسىن دە وزگەرتۋگە بولادى. بۇنى بويجەتكەندەر جاقسى بىلەدى. مىسالى، شاشىنىڭ ءتۇسىن وزگەرتكەن قىزدار وزدەرىنىڭ ومىرگە دەگەن كوزقاراسىنىڭ وزگەرگەندىگىن بايقايدى. اشىق ءتۇستى شاش بوياۋلارىن نازىكتىك پەن رومانتيكانى سۇيەتىن جاندار تاڭداسا، قارا ءتۇستى ماقساتىنا بار كۇشىمەن ۇمتىلاتىن قىزدار ۇناتادى.
كەيدە كەرىسىنشە جان-دۇنيەمىزگە ساي سىرتقى كورىنىسىمىزگە وزگەرىس ەنگىزگىمىز كەلەدى. كيىمدەرىمىزدىڭ دە ىشكى «مەنىمىزگە» سايكەس بولۋىن قالايمىز.
مىنەزدى وزگەرتۋ - وتە قيىن ءىس. ونىڭ سالدارىنان جەتىستىككە جەتۋگە نەمەسە شىققان شىڭنان قۇلاپ كەتۋگە بولادى. سول سەبەپتى جوعارىدا جازعان ءتىزىمىڭىزدى ءوزىڭىزدىڭ بولمەڭىزگە ءىلىپ، كۇندەلىكتى قايتالاپ وقىپ وتىرىڭىز. كوپ ۇزاماي ادەت بولىپ قالىپتاسادى.