ءمولدىر اۋەلبەكوۆا ەكس- پروديۋسەرىنەن كەشىرىم سۇراپ، كوز جاسىنا ەرىك بەرگەن

  استانا. قازاقپارات - باعىم مۇحيتدەنوۆا بۇرىنعى شاكىرتى ءمولدىر اۋەلبەكوۆامەن قالاي تاتۋلاسقانىن اڭگىمەلەپ بەردى. ايتۋىنشا، ءمولدىر ونىڭ ۇيىنە كەلىپ، وتكەن ىستەرى ءۇشىن كەشىرىم سۇراعان.

 باعىم ماقسات قىزى ءمولدىر ەكەۋىنىڭ اراسىندا بولعان اڭگىمەنى اشىپ ايتقىسى كەلمەدى. الايدا بۇرىنعى شاكىرتىمەن تاتۋلاسقانىن اتاپ ءوتتى.

بۇل تۋرالى باعىم ماقسات قىزى 31 - ارنانىڭ «ايتا بەرسىن» باعدارلاماسىندا ايتتى.

بىرنەشە ساعاتقا سوزىلعان اڭگىمە بارىسىندا ءمولدىر دە ءوز- ءوزىن ۇستاي الماي، جىلاپ قالعان.

«وسى ۋاقىتقا دەيىن كەزدەسكەن ەمەسپىز، ونى كورگىم كەلمەگەن. ءبىراق ادام ءوز قاتەسىن مويىنداپ تۇرسا، ونىڭ ءوزى ۇلكەن قادام. ونىڭ تاراپىنان بۇل وتە قايىرىمدى قادام. نەگە بۇرىننان وسىلاي جاساماعانىن سۇرادىم. - قورىقتىم، - دەيدى. نەسىنە قورىقتىڭ؟ مەن قاراپايىم ادەكۆاتتى اداممىن، بىرەۋگە قول ۇشىمدى دا تيگىزگەن ەمەسپىن دەدىم. ەرتەلى كەش بولارى بولدى»، - دەيدى باعىم ماقسات قىزى.

پروديۋسەردىڭ پىكىرىنشە، ۇستازىنىڭ الدىنان ءوتىپ، كەشىرىم سۇراۋ - ءمولدىردىڭ ءوز قالاۋى.

«شىن جۇرەكتەن ايتتى ما، جوق پا، ول تۋرالى ويلانباپپىن. بۇل ەسكى حيكايانى ءبىرازدان بەرى ەشكىم قوزعاعان ەمەس. مەنىڭشە، بۇل ونىڭ جان قالاۋى بولدى. مۇنداي نارسەمەن الداۋعا بولادى دەپ ويلامايمىن. ونىڭ كوزىنەن شىنايىلىقتى كوردىم. مەن وعان كەل دەپ سۇرامادىم. ياعني، بۇل ءوزىنىڭ قالاۋى بولدى»، - دەيدى پروديۋسەر.