قازاقستانعا كەلەتىن شەتەلدىكتەر ح ق و- دا تىركەۋگە تۇرا الادى

None
None
استانا. قازاقپارات - «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ميگراتسيالىق ح ق و- سى ارقىلى كورسەتىلەتىن قىزمەتتەر سانى تولىعا ءتۇستى. بۇل تۋرالى قازاقپارات «ازاماتتارعا ارنالعان ۇكىمەتتىڭ» باسپا ءسوز قىزمەتىنە سىلتەمە جاساپ حابارلايدى.

ەندى قازاقستان رەسپۋبليكاسىنا ۋاقىتشا كەلەتىن شەتەلدىكتەر مەن ازاماتتىعى جوق ادامدار كوشى- قون قىزمەتتەرى ورتالىعىنىڭ قىزمەتىنە جۇگىنە الادى. بۇعان دەيىن بۇل قىزمەت تەك ق ر ءى ءى م كوشى- قون كوميتەتى تاراپىنان كورسەتىلەتىن.

«18- اقپاننان باستاپ كورسەتىلە باستاعان جاڭا قىزمەت ءتۇرىن پايدالانۋ ءۇشىن شەتەلدىك ازاماتتىڭ وزىمەن بىرگە ق ر ايماعىنا كىرۋگە ۆيزاسى بار شەتەلدىكتىڭ نە ازاماتتىعى جوق ادامنىڭ جەكە باسىن كۋالاندىراتىن جارامدى قۇجاتى؛ شەكارانى كەسىپ وتكەنى تۋرالى بەلگىسى بار كوشى- قون كارتوچكاسى؛ ەركىن تۇردە جازىلعان قولداۋحات سياقتى قۇجاتتارى بولۋى ءتيىس»، - دەلىنگەن باسپا ءسوز بايانىندا.

 قىزمەت الۋشىلار ق ر ايماعىنا 6 ايدان ارتىق مەرزىمگە كەلەتىن بولسا، قوسىمشا تولتىرىلعان 2 مەكەنجايعا كەلۋ پاراعىن، كەلۋ پاراعىنا تولتىرىلعان ستاتيستيكالىق ەسەپكە الۋ تالونى مەن 3,5*4,5 كولەمىندەگى ءبىر فوتوسۋرەت تاپسىرۋى كەرەك.

 ميگراتسيالىق ح ق و ارقىلى شەتەلدىكتەر ءبىر كۇننىڭ ىشىندە تىركەۋگە تۇرا الادى. مۇنداي ورتالىق مەملەكەتتىك قىزمەتتەردى جىلدام ءارى ەش كەدەرگىسىز الۋعا مۇمكىندىك بەرەدى، جەمقورلىق ارەكەتىنە جول بەرمەيدى.

 جاڭادان قوسىلعان قىزمەتتەن بولەك، مۇندا شەتەلدىكتەر جۇمىس ىستەۋگە رۇقسات بەرەتىن قۇجاتتى الىپ، ق ر اۋماعىنا ۋاقىتشا كەلەتىندەر جەكە سايكەستەندىرۋ ءنومىرىن راسىمدەي الادى.

 ايتا كەتەيىك، ەلىمىزدىڭ 13 قالاسىندا كوشى- قون قىزمەتتەرىنىڭ ورتالىعى جۇمىس ىستەيدى. تاعى ءتورت (پاۆلودار، وسكەمەن، تاراز، تۇركىستان وبل. ) ميگراتسيالىق ح ق و جىل سوڭىنا دەيىن اشىلاتىن بولادى.

سوڭعى جاڭالىقتار