استانادا شاحماتتان الەم چەمپيوناتى وتەدى
بۇگىن سارىارقا ۆەلوترەگىندە كلاسسيكالىق شاحماتتان كوماندالىق الەم چەمپيوناتىنا ارنالعان باسپا ءسوز ءماسليحاتى ءوتتى.
شاراعا ق ر مادەنيەت جانە سپورت ءمينيسترى ارىستانبەك مۇحامەدي ۇلى، قازاقستان شاحمات فەدەراتسياسىنىڭ اتقارۋشى ديرەكتورى يرينا گريشەنكو، گروسسمەيستەر، ق ر ايەلدەر قۇراماسىنىڭ مۇشەسى دينارا ءسادۋاقاسوۆا، گروسسمەيستەر، ق ر ەرلەر قۇراماسىنىڭ مۇشەسى ءانۋار يسماعامبەتوۆ قاتىستى.
«اتالعان سپورتتىق شارانى ەلباسىنىڭ ءوزى قولداپ وتىر. مۇنداي مۇمكىندىكتىڭ ارقاسىندا ەلىمىزدىڭ شاحمات سپورتى قارقىندى دامىپ، قازاقستاننىڭ سپورتتىق شاحمات ارەناسىندا بەدەلى وسەدى دەگەن ۇمىتتەمىز. ەلىمىزدە اتالعان سپورت ءتۇرى اسا تانىمال، شاحماتپەن اينالىساتىندار سانى بۇگىندە 200 مىڭ ادامدى قۇرايدى. ونىڭ ىشىندە بالالار مەن جاس وسپىرىمدەر دە بار. بۇل سپورت ءتۇرىنىڭ ەلىمىزدە ودان ءارى دامۋىنا ءبىزدىڭ بەلگىلى سپورتشىلارىمىز دينارا ءسادۋاقاسوۆا، ءانۋار يسماعامبەتوۆ، جانسايا ابدىمالىك پەن دارمەن ءسادۋاقاسوۆتاردىڭ قوساتىن ۇلەسى زور»، - دەدى ارىستانبەك مۇحامەدي ۇلى.
مينيستر ءوز سوزىندە قازاقستاندا شاحماتتىڭ دامۋىنا ۇلەس قوسىپ جاتقانقازاقستان شاحمات فەدەراتسياسىنا العىسىن ايتتى. ءوز كەزەگىندە، فەدەراتسيانىڭ اتقارۋشى ديرەكتورى يرينا گريشەنكو سپورتشىلاردىڭ مۇمكىندىگىنە توقتالدى.
«ەڭ الدىمەن «سامۇرىق-قازىنا» قورىنا العىس ايتقىم كەلەدى. اتالعان ۇيىم جىل بويى ەلىمىزدىڭ بالالار- جاس وسپىرىمدەر قۇراماسىنا قولداۋ ءبىلدىرىپ كەلەدى. چەمپيوناتتا ءبىزدىڭ قۇرامانى ەڭ مىقتى شاحماتشىلار باستايدى، ولار - جانسايا ابدىمالىك، دينارا ءسادۋاقاسوۆا، گۇلىسحان ناحبايەۆا، گۋلميرا داۋلەتوۆا، مادينا داۆلەتبايەۆا، رينات جۇمابايەۆ، مۇرتاس قاجعاليەۆ، ءانۋار يسماعامبەتوۆ، دەنيس ماحنيەۆ، پەتر كوستەنكو. بارلىق سپورتشىلار جارىسقا ساقاداي ساي دايىن»، - دەيدى ول.
ايتۋلى چەمپيونات قازاقستاندا العاش رەت ۇيىمداستىرىلىپ وتىر. الەم چەمپيوناتى «استانا» حالىقارالىق قارجى ورتالىعى عيماراتىندا وتەدى دەپ جوسپارلانعان. ونداعى باستى ماقسات - جەرگىلىكتى مامانداردان باسەكەگە قابىلەتتى حالىقارالىق دارەجەدەگى كاسىبي شەبەرلەردى قالىپتاستىرۋ ارقىلى قازاقستاننىڭ ادامي رەسۋرسى ساپاسىن ءوسىرۋ بولىپ وتىر.
تۋرنيردە قىتاي، ءازىربايجان، يران، ا ق ش، رەسەي، ۇلى بريتانيا، ءۇندىستان، ۋكراينا، گرۋزيا، تاعى دا باسقا ەلدەردەن جانە قازاقستاننان 20 قۇراما - 10 ەرلەر جانە 10 ايەلدەر كومانداسى باق سىناسادى. ولاردىڭ اراسىندا الەم چەمپيوندارى، كونتينەنتتىك چەمپيوندار، FIDE 2018 وليمپياداسىنان سوڭ ەڭ جوعارى رەيتينگتەرىمەن 6 كوماندا، قابىلداۋشى فەدەراتسيادان ەكى كوماندا جانە دە FIDE پرەزيدەنتىمەن تاعايىندالعان ەكى كوماندا بولادى. كوماندالىق ەسەپتە الەم چەمپيونى اتاعى - بولەك تۇردە، ەرلەر جانە ايەلدەر كوماندالارىنا بەرىلەدى.