باقىت سۇلتانوۆ ەلوردالىقتاردىڭ بارلىق تۇيىتكىلىن شەشۋگە ۋادە ەتتى

استانا. قازاقپارات - بۇگىن حالىق الدىندا ەسەپ بەرىپ جاتقان استانا اكىمى باقىت سۇلتانوۆ قالانىڭ جانە ونىڭ تۇرعىندارىنىڭ كەز كەلگەن ماسەلەسىن شەشۋگە ۋادە بەردى، دەپ حابارلايدى قازاقپارات ءتىلشىسى.

«استانا - بۇل ەرەكشە قالا جانە ءبىز ءوز ەنەرگيامىزدى ونى كەشەگىدەن دە جاقسى جاساۋ ءۇشىن جۇمساۋىمىز قاجەت. بۇرىنعى قارجى ءمينيسترى رەتىندە ەسەپ بەرۋىمىزدى ادەتتەگىدەي، قۇرعاق سيفرلاردان باستاۋ ۇيرەنشىكتى بولار ەدى. دەگەنمەن، قالا جانە ونىڭ ەكونوميكاسى - بۇل، ەڭ الدىمەن، ادامدار. سوندىقتان ءبىز ەكى ماڭىزدى قۇجاتتى ازىرلەۋگە كىرىستىك. ءبىرىنشىسى - 2050-جىلعا دەيىن استانانى دامىتۋ ستراتەگياسى. ەكىنشىسى - قالانى دامىتۋدىڭ ىڭعايلى جوسپارى. ءبىرىنشىسى - بۇل ءبىزدىڭ قالاي قاراي جىلجيتىنىمىزدىڭ كورىنىسى، ال ەكىنشىسى - وعان قالاي جەتۋدىڭ تىڭعىلىقتى جوسپارى»، - دەدى ب. سۇلتانوۆ.

وسى رەتتە اكىم ق ر پرەزيدەنتى حالىقپەن كەرى بايلانىس ورناتۋعا ايرىقشا باسىمدىق بەرىپ وتىرعانىن اتاپ ءوتتى. اتالعان ۇ د د ە اياسىندا شىعۋ ءۇشىن وسى جىلدىڭ باسىنان-اق اۋدان اكىمدەرى مەن قالا اكىمىنىڭ ورىنباسارلارى 33 ەسەپتىك كەزدەسۋ وتكىزدى.

«ارينە، جەكە كەزدەسۋلەر ەڭ ءتيىمدى فورمات ەمەس. سوندىقتان ءبىز «iKomek» قىزمەتىن ىسكە قوستىق. كەز كەلگەن قالا تۇرعىنى «109» ءنومىرىن تەرىپ، ءوز پروبلەماسىن حابارلاي الادى. وتكەن جىلعى سيفر تاڭعالارلىق. 1 ميلليون ءوتىنىش ءتۇسىپ، ولار 100 پايىز ورىندالدى»، - دەدى قالا باسشىسى.

سونىمەن قاتار باقىت سۇلتانوۆ قالا تۇرعىندارىن اكىمدىكتىڭ جۇمىسىنا قاتىستى ءوز پىكىرلەرىن اشىق بىلدىرۋگە شاقىردى.

«شەشىلمەيتىن ماسەلە جوق، اعايىن. ءار ماسەلەنى جەرگە تاستاماي، تۇبىنە دەيىن جەتەمىز، ۋادە بەرەمىن. ءار ماسەلەنى قاراپ، جولىن تاباتىن بولامىز»، - دەدى ول.