جاسىل قارجىنىڭ كومەگىمەن الەمدى اۋزىنا قاراتقان بەس ەلدى بىلەسىز بە؟

 استانا. قازاقپارات - بۇگىنگى تاڭدا جاسىل قارجى ۇعىمى الەم ەلدەرىنىڭ ەكونوميكاسىندا ءجيى كورىنىس تابۋدا.

NUR. KZ پورتالى جاسىل قارجىنىڭ كومەگىمەن ەكولوگيانىڭ ەڭ وزەكتى ماسەلەلەرىن شەشىپ، الەمنىڭ تاڭدايىن قاقتىرعان بەس ەلدى نازارعا ۇسىنادى.

ا ق ش

ا ق ش- تىڭ كاليفورنيا شتاتى ەرەكشە اجەتحانا ويلاپ تاۋىپ، الەم جۇرتشىلىعىنىڭ نازارىنا ىلىكتى. كۇن ەنەرگياسىن پايدالاناتىن مۇنداي اجەتحانالار بارلىق قالدىقتاردى بىردەن سۋتەككە جانە تىڭايتقىشتارعا اينالدىرىپ وتىرادى. ناتيجەسىندە اجەتحانا وزدىگىنەن تازارىپ، ال ونداعى بارلىق قالدىقتار وسىمدىكتى تىڭايتۋعا جۇمسالادى.

مۇنداي اجەتحانالاردى اۆستراليا، ءۇندىستان، افريكا ەلدەرى دە قولدانىسقا ەنگىزە باستاعان. ال ايگىلى بيلل گەيتستىڭ ءوزى بۇل جوباعا 10 ميلليون دوللارىن ءبولىپ بەردى.

برازيليا

برازيليانىڭ كۋريتيبا قالاسىندا تۇرعىندار سانى 2,7 ميلليونعا جەتىپ، وڭىردەگى قوقىس مولشەرى تىم ارتىلىپ كەتكەن بولاتىن. قوقىستان قۇتىلۋ ۇلكەن ماسەلەگە اينالعاسىن، قالا مەرى ءبىر قاپ قوقىستى وڭدەۋشىلەرگە ەرىنبەي وتكىزگەن ءاربىر تۇرعىنعا تالون بەرۋدى بۇيىرادى.

تۇرعىن بۇل تالونمەن تەگىن جەمىس-جيدەك الۋعا نەمەسە قوعامدىق كولىكتى تەگىن پايدالانۋعا مۇمكىندىك الادى. ناتيجەسىندە بۇگىندە تۇرعىنداردىڭ توقسان پايىزى قوقىستى رەتتەپ، وڭدەۋشىلەرگە وتكىزۋدى ادەتكە اينالدىرعان. ال حالىقارالىق باسىلىمدار بۇل قالاعا برازيلياداعى ەڭ تىرشىلىككە قولايلى قالا دەگەن اتاق بەردى.

كانادا

ۆانكۋۆەر قالاسى سۋ ەنەرگياسىن تۇتىنۋ بويىنشا كوش باستاۋدا. مۇندا سۋ ەنەرگياسىن تۇتىنۋ %90 عا جەتكەن. ناتيجەسىندە ۆانكۋۆەر جان باسىنا شاققاندا زياندى زاتتاردىڭ شىعارىلۋى بويىنشا الەم قالالارى اراسىندا ەڭ تومەن كورسەتكىشكە قول جەتكىزدى.

قالا اكىمشىلىگى ۆانكۋۆەردى 2020-جىلعا دەيىن الەمنىڭ ەڭ جاسىل قالاسىنا اينالدىرۋدى ماقسات ەتۋدە.

2011-جىلدان باستاپ قالادا 13000 ءتۇپ اعاش وتىرعىزىلدى. ال بولاشاقتا وتىرعىزىلعان اعاش سانىن 150000 عا جەتكىزۋ جوسپارلانىپ وتىر. قالادا جاسىل قۇرىلىس كودەكسىن ساقتاۋ قاتاڭ تۇردە قاداعالانادى. وڭىردەگى ءاربىر نىساننىڭ قۇرىلىسى ەكولوگيالىق تۇرعىدان زيانسىز بولۋى ءتيىس.

ءۇندىستان

اۋىز سۋدىڭ تاپشىلىعىنان حالقى ابدەن قينالعان ءۇندىستان ەلىنىڭ جاستارى قويمالارداعى سۋدى تازارتۋدىڭ ەرەكشە ءتاسىلىن ويلاپ تاپتى. ولاردىڭ قۇرىلعىسى، ءتىپتى تەڭىز سۋىن اۋىز سۋعا اينالدىرا الادى. Sarvajal دەپ اتالاتىن مۇنداي اۆتوماتتار بۇگىندە ەلدىڭ كوپتەگەن ساۋدا ورتالىقتارىنا قويىلىپ، تۇرعىندار ازداعان اقشاعا تازا اۋىز سۋ ساتىپ الۋ مۇمكىندىگىنە يە بولدى.

رەسەي

رەسەي اعاشتىڭ جويىلۋىن بارىنشا ازايتۋ ماقساتىندا «اعاشتى قورعا» اتتى ءساتتى ستارتاپتى ىسكە قوسقان. جۇزدەگەن ەرىكتىلەر كەڭسەلەردى ارالاپ، وندا جينالىپ قالعان كەرەكسىز قاعازداردى اكەتىپ وتىرادى. ناتيجەسىندە بىرنەشە توننا قاعاز مىڭداعان اعاشتىڭ ءومىرىن ساقتاپ كەلەدى.

ەلدەگى تاعى ءبىر ەرەكشە باستاما - ەكوكۋبتار. ەكوكۋب ءۇي جاعدايىندا اعاش نەمەسە ەرەكشە گۇل وسىرۋگە مۇمكىندىك بەرەتىن كادەسىيدىڭ ءبىر ءتۇرى. ايتارلىقتاي قىمبات تۇرمايتىن بۇل كادەسىيدا وسىمدىك وسىرۋگە ارنالعان اعاش قۇمىرا، توپىراق جانە وسىمدىكتىڭ ءدانى بار.

قازاقستان دا جاسىل قارجىنى دامىتىپ، ەلدەگى ەكولوگيالىق احۋالدى جاقسارتۋ ماقساتىندا ءبىرقاتار باستامالاردى قولعا العان.

ماسەلەن، وتكەن جىلدىڭ جەلتوقسان ايىندا الماتىدا ءىرى قوقىس وڭدەۋ كەشەنى ىسكە قوسىلدى. قۋاتتىلىعى 550 مىڭ توننانى قۇرايتىن زاۋىت قالانى قوقىستان ارىلتىپ قانا قويماي، 528 جاڭا جۇمىس ورنىن قۇرادى دەپ كۇتىلۋدە.

نازار اۋدارارلىق تاعى ءبىر باستاما - «استانا» حالىقارالىق قارجى ورتالىعىنىڭ جاسىل قارجى ورتالىعى.

اتالمىش ورتالىق جاسىل وبليگاتسيالارعا (ەكولوگيالىق جوبالاردى قارجىلاندىراتىن قۇندى قاعازدار) مۇقتاج كاسىپكەرلەر ءۇشىن كەمىندە 500 مىڭ دوللار ينۆەستيتسيا تارتۋ مۇمكىندىگىن بەرەدى.

ول ءۇشىن كاسىپكەر www.aix.kz سايتىنا كىرىپ، جوباسىن سايتتا كورسەتىلگەن تالاپتارعا سايكەستەندىرىپ، ارنايى فورمانى تولتىرۋى قاجەت.