لۋكاشەنكو: پۋتينمەن ەگەمەندىك ماسەلەسىن تالقىلاعان جوقپىز
«بۇگىندە ەكى مەملەكەت بار. ەگەمەندىك دەگەن ۇعىم - قاسيەتتى، ال تاۋەلسىزدىك دەگەن - سالىستىرمالى ۇعىم. ەگەر ەكى ەلدىڭ ازاماتتارى قالاسا عانا رەسەيمەن بىرگە ءبىر جولدى تاڭداۋعا بولادى» دەگەن لۋكاشەنكو.
ال پۋتين «قازىر الەمدە تولىق تاۋەلسىز ەل جوق» دەدى. پۋتيننىڭ سوزىنشە، ەكى پرەزيدەنت رەسەي مەن بەلارۋستىڭ وداقتاس ەلدەر كەلىسىمىن تالقىلاعان.
سوڭعى ۋاقىتتا كەيبىر ساراپشىلار ماسكەۋدىڭ بەلارۋس ەلىنە قىسىمى كۇشەيگەنىن ايتادى. ولار رەسەي بەلارۋستى ءوز قاتارىنا قوسىپ الۋدى كوزدەيدى دەپ سانايدى.
بۇعان دەيىن رەسەي پرەمەر- ءمينيسترى دميتريي مەدۆەديەۆ وداقتاس ەلدەر كەلىسىمىن ورىنداۋدى تەز ارادا باستاپ، ورتالىق ۆاليۋتا ەنگىزۋدى قولعا الۋ كەرەكتىگىن ايتقان.
الەكساندر لۋكاشەنكو وتكەن ايدا شەتەلدىك دەرجاۆا تاراپىنان اگرەسسيا كۇشەيگەنىن ايتقان. ءبىراق ناقتى قاي ەل ەكەنىن اتاماعان. پۋتين مەن لۋكاشەنكو جاڭا جىلعا دەيىن ماسكەۋدە ەكى رەت كەزدەسۋ وتكىزگەن.
www.azattyq.org