شەت ءتىلىن ۇيرەنۋدىڭ ەڭ وڭاي جولى قانداي؟
دەگەنمەن، بي-بي-سي باسىلىمىنىڭ اۆتورى شەت ءتىلىن ۇيرەنۋدىڭ وڭاي جولدارىن قاراستىرىپ، كولەمدى ماقالا جاريالاپتى.
«ساراپشىلار كۇنىنە ءبىر ساعات ۋاقىت شەت ءتىلىن ۇيرەنۋگە ارناپ جاقسى ناتيجەلەرگە جەتۋگە بولاتىنىن ايتادى. باستىسى - قولدانىسىن ارتتىرۋ. ال ءتىل ۇيرەتەتىن ءتۇرلى قوسىمشالار وعان مۇمكىندىك بەرە بەرمەيدى»، دەپ جازادى اۆتور.
سونىمەن قاتار، ول قيىنعا سوعاتىن تىلدەردى ءتورت توپقا بولەدى.
«ەڭ قيىن تىلدەر قاتارىنا اراب، قىتاي، جاپون، كورەي تىلدەرى جاتادى. ال اعىلشىن ءتىلىن بىلەتىندەرگە يتاليان، يسپان، پورتۋگال، فرانسۋز تىلدەرىن ۇيرەنۋ وڭايعا سوعادى»، - دەيدى اۆتور.
ماقالادا ءتىل ۇيرەنگەن كەزدە وزىڭە ۇنايتىن تاقىرىپتاردا ماقالا وقىپ، اۋديو تىڭداۋدىڭ ماڭىزى زور ەكەنى ايتىلعان.
«شەت ءتىلىن ۇيرەنگەندە سول تىلدە اۋديو تىڭداپ، ءجيى- ءجيى سويلەۋ كەرەك. شەت تىلىنە كۇنىنە ءبىر ساعات ارناۋ ءتىلدى تەز مەڭگەرۋگە مۇمكىندىك بەرەدى»، دەلىنگەن ماقالادا.
اۆتور: ايكۇمىس بولاتبەك