08:59, 20 - اقپان 2019 | GMT +6
ديماشتىڭ استاناداعى كونسەرتى: بيلەت قۇنى نەشە تەڭگە بولادى؟
استانا. قازاقپارات - مادەنيەت جانە سپورت ءمينيسترى ارىستانبەك مۇحامەدي ۇلى وسى جازدا استانادا وتەتىن ديماش قۇدايبەرگەننىڭ كونسەرتىنە بيلەتتەر قۇنى قانشا تەڭگە بولاتىنىن ايتتى، دەپ حابارلايدى قازاقپارات ءتىلشىسى.
«باستى ماقسات - بيلەتتەن تۇسەتىن قارجى ەمەس. ارينە، شەتەلدە وتەتىن كونسەرتتەردە ءبىز ەڭ ءبىرىنشى وسىعان ءمان بەرەمىز. ال قازاقستاندا باستى مىندەت - كوپشىلىككە قولجەتىمدى بولۋى. بيلەت باعاسى 500 تەڭگەدەن باستالادى دەپ ويلايمىن»، - دەدى ارىستانبەك مۇحامەدي ۇلى ۆەدومستۆو القاسىنىڭ كەڭەيتىلگەن وتىرىسىندا.
ودان بولەك، كونسەرتتە مەكتەپ وقۋشىلارى مەن الەۋمەتتىك از قامتىلعان حالىق ساناتىنا ارنايى ورىندار قاراستىرىلاتىن بولادى.
«ءبىز ءبىرىنشى كونسەرتتىڭ وزىندە كوپ ورىندى بالالار ءۇيىنىڭ تاربيەلەنۋشىلەرىنە بولگەن بولاتىنبىز. بۇل جەردە ماقسات پايدا تابۋ ەمەس، ادامدارعا ونىڭ ونەرىنەن ءلاززات الۋعا مۇمكىندىك بەرۋ»، - دەدى ول.
ايتا كەتەيىك، بۇعان دەيىن ديماشتىڭ استاناداعى كونسەرتىنىڭ وتەتىن كۇنى بەلگىلەنگەنىن جازعان بولاتىنبىز.