ۇيالشاقتىقتى قالاي جەڭۋگە بولادى؟ پسيحولوگتاردىڭ كەڭەسى

None
None
 استانا. قازاقپارات - كىشىپەيىلدىك كىسىنى كورىكتى ەتەدى دەيدى، ءبىراق ۇيالشاقتىق قىزمەت- مانساپتا جانە جەكە ومىردەگى جەتىستىككە كەدەرگى كەلتىرەدى.

بۇل ماقالاعا ءبىز «قىسىلۋ» دەگەن قوراپتان قالاي شىعىپ، ادامدارمەن ءتيىمدى قارىم- قاتىناس ورناتا باستاۋ تۋرالى پسيحولوگتاردىڭ ەڭ جاقسى اقىل- كەڭەستەرىن جينادىق.

كەز كەلگەن ماسەلەنى شەشۋدى ونى تالداۋدان باستاعان ابزال. وزىڭىزگە ىڭعايلى جاي جاساپ الىپ، يمەنىپ قالعان كەزدەرىڭىزدى ىزدەپ جادىڭىزعا ساياحاتقا شىعىڭىز. بۇل وقيعالاردى قاعازعا ءتۇسىرىڭىز، جازۋ بارىسىندا بارىنشا وزىڭىزبەن شىنايى بولىڭىز. از- كەم ەگجەي-ەگجەيلەردىڭ ءوزى قاعازعا تۇسپەي قالماسىن، ءدال سولار ءسىزدىڭ يمەنشەكتىگىڭىزدىڭ باستى سەبەبى بولىپ شىعۋى مۇمكىن.

ەگەر اڭگىمەلەسىپ وتىرىپ ءوزىڭىزدى كورسەتۋگە يمەنە بەرگەن بولساڭىز، وندا كىمدەرمەن سويلەسكەنىڭىزدى مىندەتتى تۇردە قاعازعا ءتۇرتىپ قويىڭىز. ول ادامنىڭ جىنىسى باسقا بولعانى ءۇشىن ۇيالىپ قالعان بولۋىڭىز مۇمكىن. ءبىزدىڭ تالدامامىز ءۇشىن بۇنداي ۇساق-تۇيەكتەردىڭ ماڭىزى زور.

ءسىز پروبلەمانى الۋان ءتۇرلى قۇرامداس بولىكتەرگە ءبولىپ قويىپ شىقساڭىز، ول ەندى بىردەڭە ىستەۋدى باستاۋعا بولاتىن قانداي دا ءبىر تياناقتى قۇرىلىمعا اينالادى. بۇل ءۇشىن تۇزىلگەن ءتىزىمىڭىزدى ازداپ قانا جانە قاتتى الاڭداتاتىن جاعدايلارعا ءبولىڭىز. بۇل ءسىزدىڭ يمەنشەكتىگىڭىزدى ەڭسەرۋ جونىندەگى جوسپارىڭىز بولماق.

ءسىزدى ازداپ قانا الاڭداتاتىن جاعدايلاردى ەڭسەرۋدەن باستاڭىز. جەڭىستەرىڭىزدىڭ كوبەيۋىنە قاراي العا جىلجۋ ءۇشىن كوڭىلىڭىزگە سەنىمدىلىك ۇيالاپ، بويىڭىزعا قۋات داريدى.

يمەنشەكتىگىمىزدىڭ ەڭ ۇلكەن سەبەبى، كوبىنە، ءوز- ءوزىمىزدى تومەن باعالاۋىمىزدا جاتادى. سوندىقتان، ءسىز ءوزىڭىزدىڭ جاقسى قاسيەتتەرىڭىز بەن جاقسى جاقتارىڭىزدى جازىپ شىعاتىن تاعى ءبىر ءتىزىم جاساۋ قاجەت. بۇل ءوز باعاڭىزدى جوعارىلاتۋدىڭ جانە كوڭىلىڭىزگە سەنىمدىلىك ۇيالاتۋدىڭ جاقسى امالى. سىزگە ديالوگتى ۇزبەي سويلەسىپ وتىرۋ قيىن شىعار، ءبىراق، ەسەسىنە ءسىز جاقسى تىڭداۋشىسىز.

 

سوڭعى جاڭالىقتار