ەر ادامدارعا جۇرەگىنىڭ ساۋلىعىن تەكسەرۋگە مۇمكىندىك بەرەتىن قاراپايىم ءادىس تابىلدى

 استانا. قازاقپارات - گارۆارد ۋنيۆەرسيتەتىنىڭ عالىمدارى ەر ادامنىڭ جۇرەگىنىڭ ساۋلىعىن تەكسەرۋدىڭ قاراپايىم ءادىسىن تاپتى. انىقتالعانداي، ول ءۇشىن ەر ادامدارعا جەردەن كەۋدەسىن كوتەرۋ جاتتىعۋىن جاساۋ جەتكىلىكتى.

بۇل تۋرالى Jama Network Open جۋرنالى حابارلايدى.

عالىمدار وتكىزگەن تەستىلەۋگە 18-66 جاس ارالىعىنداعى 1000 نان اسا ەر ادام قاتىستى. ولار ا ق ش- تىڭ ينديانا شتاتىندا ءورت ءسوندىرۋشى بولىپ جۇمىس ىستەگەن. ەر ادامداردىڭ ءبارىنىڭ ازداعان ارتىق سالماعى بولىپتى.

دارىگەرلەر 10 جىل بويى ولاردىڭ دەنساۋلىعىن باقىلاپ، قاتىسۋشىلاردى جەردەن كەۋدەسىن كوتەرۋ بويىنشا جاساعان جاتتىعۋىنىڭ كورسەتكىشىنە قاراي 5 توپقا بولگەن.

انىقتالعانداي، بۇل جاتتىعۋدى 10 نان ارتىق جاساي المايتىن ەر ادامدار جۇرەككە قاتىستى قيىندىقتارعا ۇشىراۋى مۇمكىن. ال جاتتىعۋدى 11-20 ارالىعىندا جاساي العان ەر ادامداردىڭ جۇرەك دەنساۋلىعىنا بايلانىستى قيىندىقتارعا شالدىعۋ قاتەرى - 64 پايىز. كەۋدەسىن جەردەن 40 رەتتەن اسا كوتەرە الاتىن ەر ادامداردا جۇرەك اۋرۋلارىنا شالدىعۋ قاتەرى 2 ەسە تومەن.

Stan.kz