مادەنيەت ءمينيسترى ديماش پەن دانەليانىڭ ۇستازدارىنا العىس ايتتى
«ديماشتىڭ لوندونداعى كونسەرتىندە 4600 بيلەت ساتىلدى. ال ول كونسەرت وتكەن زال بار- جوعى 2 مىڭ ادامعا ارنالعان. حالىقارالىق دەڭگەيدە ول كونسەرتتى تاماشالاعىسى كەلگەندەر تىم كوپ بولدى. ءبىزدىڭ ديماشتى BBC قاتارلى الەمدىك تەلەارنالار كورسەتتى. قازىرگى ۋاقىتتا ديماشپەن بىرگە دانەليا دا امەريكالىق «The World's Best» بايقاۋىنا قاتىسىپ جاتىر.
ول بايقاۋ ءوتىپ جاتقان CBS ارناسى - الەمنىڭ ەڭ ءىرى تەليەۆيزيالىق كومپانياسىنىڭ ءبىرى. ونىڭ اۋديتورياسى - 1,5 ميلليارد كورەرمەن. ول بايقاۋعا قاتىسىپ جاتقانداردىڭ ىشىندە ءبىزدىڭ ونەرپازدارىمىزدان بولەك، ت م د- دان بىردە- ءبىر ادام جوق. ىرىكتەۋ وتە قاتاڭ. مىنە، ءبىزدىڭ ەكى وتانداسىمىز ول بايقاۋدا ءساتتى ونەر كورسەتىپ جاتىر. ول - ا ق ش. ول - الەمنىڭ ەڭ ۇزدىك ساحناسى. ونەرپازدارىمىزدى وسى زالدا وتىرعان ءوزىمىزدىڭ ۇستازدار تاربيەلەدى. سىزدەرمەن (پەداگوگتارعا) - ءبىز ماقتانامىز» ، - دەدى ارىستانبەك مۇحامەدي ۇلى.
ەسكە سالا كەتسەك، بۇعان دەيىن ديماش قۇدايبەرگەن مەن دانەليا تولەشوۆا «The World's Best» بايقاۋىندا ءساتتى ونەر كورسەتىپ، ءادىل قازىلاردىڭ جوعارى باعاسىنا يە بولعان ەدى.