جانۋاردىڭ ەتى مەن ءسۇتىن مۇلدە جەمەيتىن وتباسى ءسابيىن ءولىمشى كۇيگە تۇسىرگەن

 استانا. قازاقپارات - اش قالعان ءسابيدى دۇرىس تاماقتاندىرماعان اتا- اناسىنان امان الىپ قالدى. امەريكانىڭ تايتۋسۆيلل قالاسىندا تاماقتى تالعاپ جەيتىن وتباسى انىقتالدى. وتباسىندا جاڭا تۋعان ءسابي ولمەستىڭ كۇنىن كەشكەن.

20 جاستاعى دجۋليا فرەنچ مەن 31 جاستاعى روبەرت باسكي سابيگە دارىگەرلەر ايتقان ءسۇتتى بەرۋدەن بار تارتىپ، ونىڭ ورنىنا كارتوپ بەرگەن. قۇرامىندا ءسۇتى جوق، جانۋاردىڭ ءونىمى جوق تاعامدار بەرگەن.

5 ايلىق بالانىڭ سالماعى 3,85 كەلى بولدى. ول تۋعان كۇنىنەن 450 گرامعا عانا ارتىق. كوزى بادىرايىپ، قابىرعاسى كورىنىپ تۇردى. ال، دەنە تەمپەراتۋراسى مەن قانت مولشەرى سۇيىقتىق از بولعاندىقتان كوتەرىلىپ كەتكەن.

«مەن وسىنداي كۇيگە تۇسكەن بالا كورگەن ەمەسپىن. جاقىندارىنىڭ بالانى وسىنداي ولىمگە دەيىن اپارعانى تاڭعالارلىق»، - دەدى پوليسيا قىزمەتكەرى لورەن ۋوتسون

اتا- اناسى بۇل ارەكەتىن تۇسىندىرە المادى. ولاردى بالاسىنىڭ دەنساۋلىعىعىنا زيان كەلتىرگەنى ءۇشىن، دەنە جاراقاتتارىن سالعانى ءۇشىن جاۋاپقا تارتادى. بالا قازىر اۋرۋحانادا. ول اشتىق كەزىندە ۇزاق ۋاقىت بويى قينالعان.

Stan.kz