قوجا ءرولىن سومداعان اكتەر بايان الاگوزوۆانىڭ فيلمىنە قاتىستى: مىناۋ دەگەن ماسقارا عوي
بۇل تۋرالى ەۆرازيا ارناسى حابارلايدى.
«بۇل ءبىر كۇندە بولعان دۇنيە ەمەس! بۇل ۇزاق ۋاقىت بويى تەلەارنالاردا وسىنداي جەڭىل جەلپى ازىلدەرگە قۇرىلعان باعدارلامالار! سوسىن وتە كوپ انشىلەرگە، جالپى مىنا ەسترادالارعا، سودان كەيىن جەڭىل- جەلپى ازىلگە دەيدى عوي، سونىڭ بارىنە باسىمدىق بەرۋ! جانە سول جانرلاردىڭ وكىلدەرىن كوبىرەك دارىپتەۋ! سودان كەيىن كۆن دەيمىز!» - دەيدى كينوسىنشى نازيرا راحمان قىزى.
ەكىنشىدەن! بىزدە، قوعامعا وي، ميعا سالماق سالار تۋىندىلاردى دارىپتەۋ جاعى اقساپ تۇر! مويىنداۋ كەرەك! قازىر، كەز- كەلگەن كينوتەترعا بارىڭىزشى، اۋەلى كومەديا جانرىنداعى فيلمدەرگە انشلاگ! ارينە، كومەديا دەۋگە كەلسە ولاردى.
«كومەديا جانرى بۇل ءوزى ءبىر تەرەڭ جانر! سول كومەديا جانرىن بۇل كىسىلەر سول جايداق ات سەكىلدى، جايداق اتقا اينالدىرىپ جىبەردى دە! بەينەلى تۇردە ايتاتىن بولساق سايگۇلىكتى ەرتوقىمسىز جايداق اتقا اينالدىرىپ جىبەردى. بۇل جەردە سول كومەديا تۇسىرەم دەپ جۇرگەن قىز جىگىتتەردىڭ كومەديا جانرىن تەك توۆار رەتىندە قاراۋ! ونى تەك اقشانىڭ كوزى رەتىندە قاراۋ!» - دەيدى كينوسىنشى نازيرا راحمان قىزى.
«ءبىزدىڭ كينو نارىقتا قازىر كورسەڭ، جاعاڭدى ۇستايتىن تۋىندىلار بار! ءتىپتى، اتتارىنىڭ ءوزى ەرسى. مىسالى سيسيتاي، مەنىڭ ميىمدى جەمەڭدەر دەگەن سياقتى! مىناۋ دەگەن ماسقارا عوي! وكىنىشكە وراي بۇل كينولار پروفەسسيونالدىق تۇرعىدا تۇسىرىلگەن دۇنيەلەر ەمەس! ماعىنا جوق، جۇيە جوق! ءبىر بوس جاتقان بىردەڭە!» - دەيدى كينودراماتۋرگ نۇرلان سانجار.
ءبىراق، سوعان قاراماستان حالىق الگى تۋىندىلاردى كورىپ جاتىر! جوق، دۇرىسى كورسەتىپ جاتىرمىز! سەبەپ- ايقىن! بيزنەس بار جەردە پاتريوتيزمگە ورىن قايدان بولسىن؟
«ونىڭ سەبەبى بارلىعى جەكەمەنشىك! ال ەندى جەكەمەنشىك بولعاننان كەيىن بۇل تازا بيزنەس! ال، ولار حالىقتى جيناۋ ءۇشىن ارينە ولار كوبىرەك امەريكا فيلمدەرىن، جارناماسى وتە جاقسى جۇرگەن فيلمدەردى. كوبىنە جاڭا بلوكباستەر، بىلايشا ايتقاندا سول فيلمدەردى كورسەتىپ، حالىقتى جيناۋ الدەقايدا ءتيىمدى! ويتكەنى، ونىڭ ءبارى قارجىمەن بايلانىستى!» - دەيدى كينوسىنشى نازيرا راحمان قىزى.