مىنەزىمدى تۇزەيمىن دەسەڭىز
ءسىزدىڭ قانداي نەگاتيۆتى جاقتارىڭىز بار ەكەن جاقىندارىڭىز ايتىپ بەرە الادى. بۇل جولمەن ءسىز وزىڭىزگە سىرت كوزبەن قاراي الاسىز. جاقىندارىڭىز سىزگە بار شىندىقتى ايتسىن دەسەڭىز، ولارعا رەنجىمەي، سىندى دۇرىس قابىلداي ءبىلىڭىز.
ءتىزىمىڭىز دايىن بولعان سوڭ، جاعىمسىز قاسيەتتەرىڭىزدى تۇزەيتىن امالداردى جازۋعا كىرىسىڭىز. مىسالى، جالقاۋلىقتى قانداي دا ءبىر بەلسەندى ارەكەتپەن، پەسسيميزمدى ءپوزيتيۆتى ويلارمەن، اشۋ- ىزانى مەيىرىمدىلىك، ىزگىلىكپەن، باتىلسىزدىقتى ويداعى نارسەلەردى ىسكە اسىرۋعا ارەكەت جاساۋمەن تۇزەۋ سەكىلدى تاسىلدەردى ءتىزىپ جازىڭىز.
مىنەزىڭىزدىڭ وزگەرۋى ومىرىڭىزگە قانداي وزگەرىستەر الىپ كەلەتىنىن ەلەستەتىپ كورىڭىز. الايدا، بۇل ارەكەت وڭاي ەمەس ەكەنىن ۇمىتپاڭىز.
كەيدە سىرت كەلبەتىڭىزدى وزگەرتۋ مىنەزىڭىزدىڭ وزگەرۋىنە دە سەپتىگىن تيگىزەدى، اسىرەسە، ايەلدەر قاۋىمىندا.
مىنەزىڭىزدى تۇزەۋ ءۇشىن، ەڭ الدىمەن، ىشكى جان دۇنيەڭىزدەگى، تۇيسىگىڭىزدەگى تۇراقتالىپ قالعان قاعيدالاردى وزگەرتۋ كەرەك، سەبەبى، ونسىز مىنەزىڭىز وزگەرسە دە قىسقا مەرزىمگە عانا جەتەدى.