02:02, 19 - اقپان 2019 | GMT +6
يلون ماسك لوس- اندجەلەستەگى ءۇيىن ساتۋعا قويدى
استانا. قازاقپارات - Tesla جانە SpaceX كومپانيالارىنىڭ ونەرتاپقىشى ءارى اتقارۋشى ديرەكتورى يلون ماسك لوس- اندجەلەستىڭ برەنتۆۋد ايماعىنداعى ءۇيىن ساتىلىمعا شىعاردى.
بۇل ساراي - ماسكقا تيەسىلى جىلجىمايتىن مۇلىكتەر ىشىندەگى ەڭ قاراپايىمى. كولەمى 280 شارشى مەتردى قۇرايتىن ۇيدە 4 جاتىن بولمە، 4 جۋىناتىن بولمە، ايرىقشا ستيلدەگى 1 اسۇي مەن تۇرمىستى جەڭىلدەتەتىن مىڭداعان قۇرىلعىلار بار. ءۇيدىڭ تەرەزەلەرىنىڭ بارلىعى ەدەننەن توبەگە دەيىنگى جەردى تۇتاس الىپ تۇر.
ىشتە وتىرىپ- اق "پەرىشتەلەر قالاسىنىڭ" ادەمى كەلبەتىن تاماشالاي الاسىز، سونداي- اق، اۋلاداعى ۇلكەن باسسەين مەن سپا- زونا كورىنەدى. عالامشارارالىق كەڭىستىكتى "ويىنعا" اينالدىرىپ جۇرگەن يلون ءۇيدى $ 4,5 ميلليونعا باعالاپ وتىر.
Massaget.kz