اۋانى تازارتاتىن جاساندى جاپىراق جاساپ شىعارىلدى
وسى ۋاقىتقا دەيىن جاساپ شىعارىلعان جاپىراقتار تەك زەرتحانالاردا عانا ناتيجە بەرىپ، زەرتحانادان تىس جەردە مۇنداي مۇمكىندىككە يە بولا الماعان ەدى. ءبىراق جاقىندا چيكاگونىڭ يلليونويس ۋنيۆەرسيتەتى عالىمدارى جاساپ شىعارعان جاپىراقتار تابيعات اياسىندا دا كومىرقىشقىل گازىن جۇتىپ، تابيعي جاپىراقتارداي وتتەگى ءبولىپ شىعارا الاتىنىن دالەلدەدى. زەرتتەۋدىڭ اۆتورى مونەش سينگحتىڭ ايتۋىنشا، جاپىراقتىڭ الدىڭعى نۇسقالارى وتتەگى، ەلەكتر قۋاتى مەن سۇيىق وتىنداردى تەك قىسىلعان رەزەرۆۋارلاردا ساقتالعان كومىرقىشقىل گازىنان ءبولىپ شىعارۋعا قابىلەتتى ەدى. ولار كومىرقىشقىل گازىن كوشەدەگى اۋادان سىڭىرۋگە جەتكىلىكتى كۇشكە يە بولماعان- تىن.
بۇل ماسەلەنى شەشۋ ولار ويلاعاناننا وڭاي بوپ شىقتى. ولار جاساندى جاپىراقتىڭ قازىرگى نۇسقاسىن سۋ تولتىرىلعان اممونيي سمولاسىنان جاسالعان كاپسۋلاعا سالعان. جۇمىس جاساۋ ءتارتىبى مىنادا: كۇن اسەرىنەن سۇيىقتىق كىشكەنە ساڭىلاۋلار ارقىلى بۋلانىپ شىعىپ كەتەدى. ونىڭ ورنىن بىردەن كومىرقىشقىل گازى باسادى دا فوتوسينتەز ۇدەرىسى ارقىلى وتتەگىگە اينالادى. اينالىپ كەلگەن وسى تۇزىلگەن دۇنيە وتىن جاساۋعا شيكىزات بولادى نەمەسە كيسلورودتى سينتەزدەۋشى جانە اۋا تازارۋ ءۇشىن ونىڭ سىرتقا شىعۋىن قامتاماسىز ەتۋشى بولادى.
زەرتتەۋشىلەردىڭ ايتۋىنشا، جاساندى جاپىراق تابيعيلارعا قاراعاندا اۋانى 10 ەسە جاقسى تازارتادى. ەگەر 360 جاساندى جاپىراعى بار، بيىكتىگى 170 س م، ەنى 20 س م بولاتىن اعاش وتىرعىسساڭىز ول 100 مەتر راديۋستاعى جەردىڭ 10 پايىز كومىرقىشقىل گازىن جۇتىپ الادى. ونى جاساۋشىلار مەيلىنشە قولجەتىمدى ماتەرالداردان جاسايمىز دەپ وتىر. ايتا كەتەيىك، نەمىس ديزاينەرلەرىنىڭ "CityTree" اتتى اۋا تازارتۋشى قۇرىلعىسى 275 تالدىڭ ورنىن باساتىنىن جانە ونى ورىندىق رەتىندە پايدالانۋعا بولاتىنىن جازعان ەدىك.
Massaget.kz