قازاقستاندا اتاۋلى الەۋمەتتىك كومەكتى كىمدەر الا الادى

 استانا. قازاقپارات - قازاقستاندا وتباسى مۇشەلەرىنىڭ ورتاشا جان باسىنا شاققانداعى ورتاشا تابىسى كەدەيلىك شەگىنەن تومەن تۇراتىن وتباسىلار اتاۋلى الەۋمەتتىك كومەككە جۇگىنۋى مۇمكىن.

2018 -جىلدىڭ 1- قاڭتارىنان باستاپ شارتتى جانە الەۋمەتتىك كەلىسىم شارتقا نەگىزدەلگەن قازاقستاندا ماقساتتى الەۋمەتتىك كومەك كورسەتۋدىڭ جاڭا تاسىلدەرى ەنگىزىلدى، دەپ حابارلايدى ق ر ەڭبەك جانە حالىقتى الەۋمەتتىك قورعاۋ ءمينيسترلگى.

«جاڭا فورماداعى ماقساتتى الەۋمەتتىك كومەك وتباسىلارداعى ەڭبەككە قابىلەتتى وتباسى مۇشەلەرىنىڭ بولۋىن ەسكەرە وتىرىپ، سونداي- اق جۇمىسقا ورنالاسۋعا جاردەمدەسۋ شارالارىنا مىندەتتى تۇردە قاتىسۋى كەرەك جاعدايدا ءسوزسىز جانە شارتتى قولما- قول اقشالاي جاردەمدەسۋ تۇرىندەگى كۇنكورىس مينيمۋمىنىڭ %50  ىنان تومەن وتباسىلارىنا بەرىلەدى» ، دەيدى ەسەپ بەرۋ ورگانى.

ەڭبەك مينيسترلىگىنىڭ دەرەكتەرى بويىنشا اعىمداعى جىلى رەسپۋبليكادا كۇنكورىستىڭ ەڭ تومەنگى دەڭگەيىنىڭ مولشەرى  29698 تەڭگە، كەدەيلىك شەگىنىڭ مولشەرى  14849 تەڭگەنى قۇرايدى.

«ماقساتتىق الەۋمەتتىك كومەك تاعايىنداۋ كەزىندە ءوتىنىش بەرۋشىنىڭ ورتاشا جان باسىنا شاققانداعى تابىسىنىڭ مولشەرى ەسەپكە الىنادى، سوندىقتان ناقتى مولشەرىن ايتۋ مۇمكىن ەمەس. ويتكەنى جاردەماقىنىڭ مولشەرى جەكە انىقتالادى. ياعني، ءاربىر قازاقستاندىقتىڭ جان باسىنا شاققانداعى تابىسى كەدەيشىلىك شەگىنەن تومەن، ياعني  14849 تەڭگەنى قۇرايتىندار عانا اتاۋلى الەۋمەتتىك كومەككە ءوتىنىش بەرە الادى» ، - دەپ ءتۇسىندىردى مينيسترلىك.

سونىمەن قاتار، جۇمىسقا ورنالاسۋعا جاردەمدەسۋ جونىندەگى بەلسەندى شارالارعا وبەكتيۆتى شەكتەۋلەرگە يە ادامدارعا ءسوزسىز اقشالاي كومەك بەرىلەدى. باسقا ادامدارعا - بارلىق ەڭبەككە قابىلەتتى وتباسى مۇشەلەرىن جۇمىسقا ورنالاستىرۋ جانە (قاجەت بولعان جاعدايدا) الەۋمەتتىك بەيىمدەلۋگە باعىتتالعان شارالارعا قاتىسۋ تۋرالى مىندەتتەمەلەردى قامتيتىن الەۋمەتتىك كەلىسىم- شارت جاساسۋعا شارتتى قارجىلىق كومەك بەرىلەدى.

«وسىلايشا، ونى تابىسى ەڭ تومەنگى كۇنكورىس دەڭگەيىنىڭ ەلۋ پايىزىنان اسپايتىن تابىسى از ازاماتتار ساناتىنا جاتاتىن ادامدار الادى» ، - دەلىنگەن حابارلامادا.

Stan.kz