ق ر ىشكى ىستەر ءمينيسترىنىڭ كەڭەسشىسى ءارى باسپا ءسوز حاتشىسى تاعايىندالدى

استانا. قازاقپارات - ق ر ىشكى ىستەر ءمينيسترىنىڭ كەڭەسشىسى ءارى رەسمي وكىل-باسپا ءسوز حاتشىسى تاعايىندالدى.

بۇل قىزمەتكە ءنۇردىلدا وراز كەلدى، دەپ حابارلايدى قازاقپارات ءتىلشىسى.

ءنۇردىلدا سەرىك ۇلى 1981 -جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن، ق ر ءى ءى م قاراعاندى اكادەمياسىن بىتىرگەن. ەڭبەك جولىن الماتىداعى «يۋسا» تەلەارناسىنىڭ ءتىلشىسى بولىپ باستاعان. «31-ارنا» تەلەارناسى «ينفورمبيۋرو» جاڭالىقتار ءبولىمىنىڭ جۇرگىزۋشىسى، «استانا» تەلەارناسىنىڭ رەداكتور- جۇرگىزۋشىسى، رەپورتەر- ساراپشىسى، «قازاقستان» ۇلتتىق ارناسىنىڭ جاڭالىقتار جۇرگىزۋشىسى، «اپتا.kz» باعدارلاماسىنىڭ جۇرگىزۋشى- رەداكتورى بولعان.

2007 -جىلى ىشكى ىستەر ورگانىنا اۋىسىپ، استانا قالالىق ىشكى ىستەر دەپارتامەنتى باسپا ءسوز قىزمەتىنىڭ باستىعى، مەملەكەتتىك ءتىل جانە اقپارات ءبولىمىنىڭ باستىعى، دەپارتامەنت باستىعىنىڭ باسپا ءسوز حاتشىسى قىزمەتتەرىن اتقاردى. ق ر ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى-ءمينيستردىڭ باسپا ءسوز حاتشىسى، كەيىننەن رەسمي وكىلى، ق ر باس پروكۋراتۋراسى اپپارات باسشىسىنىڭ ورىنباسارى، «ورت- ەۋرازيا» تەلەارناسى باس ديرەكتورىنىڭ ورىنباسارى بولدى.

ايتا كەتەرلىگى، بۇگىن مينيسترلىكتە جاڭا تاعايىندالعان كەڭەسشى ءارى ىشكى ىستەر مينيسترلىگىنىڭ رەسمي وكىلى - باسپا ءسوز حاتشىسىن تانىستىرعان ۆەدومستۆو باسشىسى ەرلان تۇرعىمبايەۆ وعان ب ا ق-پەن جۇمىستى ۇيلەستىرۋ ءارى ۇيىمداستىرۋدا جەمىستى ەڭبەك تىلەدى.