نازاربايەۆ قازاقستاندىق جاستارعا كەڭەس بەردى
ق ر پرەزيدەنتىنىڭ تەلەراديوكەشەنى Instagram جەلىسىندە ۆيدەو جاريالادى. ۆيدەودا نۇرسۇلتان نازاربايەۆ بۇگىنگى جاستاردىڭ مۇمكىنشىلىگى مەن نەگە قول جەتكىزە الاتىنى تۋرالى ايتادى.
بۇگىندە ءبىزدىڭ جاستار بۇكىل الەممەن ارالاسادى. جولدار اشىق، شەكارا اشىق. قالاعان جەرىندە وقىپ، قالاعان جەرىندە تۇرادى. اينالاسىنا قاراپ، ولاردا قالاي، بىزدە قالاي ەكەنىن كورەدى. سوندىقتان، بارىنەن بۇرىن، جاستار نەگىزگى ءبىلىم الۋعا تىرىسۋ كەرەك. جاستىق شاعىن بوس وتكىزبەي، ءتۇرلى ويىن-ساۋىقتارعا ۋاقىت شىعىنداماۋى كەرەك. ونى كەيىن دە جاساۋعا بولادى»، - دەيدى ەلباسى.
پرەزيدەنتتىڭ سوزىنشە، بىرىنشىدەن، «جاستار ءبىلىمدى بولۋى كەرەك، سەبەبى باسەكەلەستىك تەك مەملەكەتتەر اراسىندا ەمەس، ءار ادامنىڭ اراسىندا بولادى. بۇل باسكەدە كىم ءبىلىمدى، سول جەڭەدى».
ەكىنشىدەن، جاستار كەز كەلگەن جۇمىستى ىستەپ، ءوزىن جاقسى قىرىنان كورسەتۋ كەرەك، دەيدى مەملەكەت باسشىسى.
«سول جۇمىستى زەرتتەپ، ءوزىنىڭ شاعىن ۇجىمىندا تابىسقا جەتىپ، ءوزىن مويىنداتۋى ءتيىس. ۇشىنشىدەن، ومىردە تابىسقا قول جەتكىزۋ ءۇشىن دەنساۋلىق قاجەت. ءوز دەنساۋلىعىڭدى ساقتاپ، شۇعىلدانىپ، دەنساۋلىققا زيان كەلتىرەتىن دۇنيەلەرمەن اينالىسپاۋ قاجەت. تورتىنشىدەن، مەنىڭ ويىمشا، وتانىڭدى، ءوز ەلىڭدى ءسۇيىپ، پاتريوت بولۋ كەرەك. ەل ىشىندە، سىرتىندا بولساڭ دا، وعان قىزمەت ەتۋ قاجەت»، - دەيدى نازاربايەۆ.
ەلباسىنىڭ سوزىنشە، ەگەر مۇنداي ادامدى تاربيەلەسە، مەملەكەت پەن بولاشاق جاستار قورعالادى.