قازاقستاندا جۇمىسسىز جاستاردىڭ ۇلەسى قانداي

None
None
استانا. قازاقپارات - بۇگىن پارلامەنت ماجىلىسىندەگى ۇكىمەت ساعاتىندا ق ر قوعامدىق دامۋ ءمينيسترى دارحان كالەتايەۆ جاستار اراسىنداعى جۇمىسسىزدىق تۋرالى ايتىپ بەردى، دەپ حابارلايدى قازاقپارات ءتىلشىسى.

جاستار اراسىنداعى جۇمىسسىزدىققا توقتالعان مينيستر، رەسمي ستاتيستيكا بويىنشا سوڭعى 15 جىلدىڭ ىشىندە جاستاردىڭ جۇمىسسىزدىق دەڭگەيى 10 پايىزعا تومەندەدى. سوڭعى ءۇش جىلدا جۇمىسسىز جاستاردىڭ سانى 92 مىڭنان 81 مىڭعا، ياعني 4,1-دەن 3,9 پايىزعا دەيىن قىسقارتىلدى. جالپى، قازاقستانداعى جۇمىسسىز جاستار دەڭگەيى ت م د- عا قاتىسۋشى مەملەكەتتەردىڭ اراسىندا ەڭ تومەنگى بولىپ سانالادى. سولاي دەسەك تە، ءبىز جاستار اراسىنداعى جۇمىسسىزدىق ماسەلەسىن تۇبەگەيلى شەشىپ تاستادىق دەپ ايتا المايمىز. مۇنى اشىق ايتۋىمىز قاجەت»، - دەدى.

وسى ورايدا، د. كالەتايەۆ بۇل ماسەلەنىڭ شەشىمى جاستاردىڭ ءتۇرلى ساناتىن جۇمىسپەن قامتۋدىڭ جول كارتاسى اياسىندا قاراستىرىلىپ جاتقانىن اتاپ ءوتتى.

ونىڭ اتاپ وتۋىنشە، وڭىرلەردە جاستار ىسىمەن 207 كەڭەس تۇراقتى اينالىسسا، ءار كاسىپورىندا، جوعارى وقۋ ورىندارى مەن كوللەدجدەردە جاستار ىستەرى جونىندەگى كوميتەتتەر جۇمىس ىستەيدى. ولاردىڭ سانى بۇگىندە 818، ونىڭ ىشىندە جوعارى وقۋ ورىندارىندا -119، كوللەدجدەردە - 525، ال كاسىپورىنداردا -174.

«جاستارمەن اتاۋلى جۇمىس جۇرگىزۋ ءۇشىن بارلىق وڭىرلەردە جاستار رەسۋرستىق ورتالىعى قۇرىلعان. ولاردىڭ سانى - 208. 2017 -جىلى قىركۇيەكتە ۇكىمەتتىڭ شەشىمى بويىنشا مينيسترلىكتىڭ باسقارۋىنا «جاستار» عىلىمي- زەرتتەۋ ورتالىعى بەرىلدى. ورتالىقتا مەملەكەتتىك جاستار ساياساتى مەكتەبى جۇمىس ىستەيدى، ونىڭ جاستارمەن اينالىساتىن ماماندار سەرتيفيكاتتالعان وقىتۋدان وتەدى. مىسالى، 2018 -جىلى 500-دەي ادام وسى وقىتۋدان ءوتتى. سونداي-اق، ەلىمىزدە جاستار تاقىرىبى بويىنشا 500-دەن استام ۇكىمەتتىك ەمەس ۇيىمدار جۇمىس ىستەيدى»، - دەدى مينيستر.

سوڭعى جاڭالىقتار