قوعامدىق دامۋ ءمينيسترى اۋىل جاستارىنىڭ جاعدايىن جاقسارتۋ تەتىكتەرىن ءتۇسىندىردى

None
None
استانا. قازاقپارات - اۋىلدىڭ الەۋمەتتىك-ەكونوميكالىق جاعدايى قالامەن تەڭەسە باستايتىن بولسا، اۋىلدىڭ وتى ەشقاشان وشپەيدى دەپ ويلايمىن.

بۇگىن پارلامەنت ماجىلىسىندەگى ۇكىمەت ساعاتىندا ق ر قوعامدىق دامۋ ءمينيسترى دارحان كالەتايەۆ وسىلاي ءمالىم ەتتى، دەپ حابارلايدى قازاقپارات ءتىلشىسى.

«وزدەرىڭىز كورىپ وتىرسىزدار، ەلباسىنىڭ جاستار فورۋمىندا بەرگەن تاپسىرمالارىنىڭ ءبارى دە اسا ماڭىزدى جانە ولار ءوز دەڭگەيىندە ورىندالاتىن بولادى. وسى تۇستا، مىنا جايتقا دا توقتالعىم كەلەدى. بۇل - اۋىل جاستارىنىڭ ماسەلەسى. شىنى كەرەك، وسى جەردە وتىرعان كوبىمىز اۋىلدان شىقتىق. اۋىل - قازاقستاننىڭ التىن بەسىگى، ءبىز ءۇشىن ساكرالدى تۋعان جەر. جاستار جىلىندا ءبىز اۋىل جاستارى ماسەلەسىن جان- جاقتى شەشۋدىڭ جولدارىن قاراستىرىپ جاتىرمىز. ونىڭ ىشىندە، ەلباسى ايتقانداي، «ديپلوممەن - اۋىلعا» باعدارلاماسى ارقىلى اۋىلعا بارعان جاستاردىڭ العاشقى جاردەماقىسى 100-ايلىق ەسەپتىك كورسەتكىشكە ءوسىپ وتىر»، - دەدى مينيستر.

ونىڭ سوزىنە قاراعاندا، ۆەدومستۆو اۋىلعا باراتىن جاس ماماندار ءۇشىن ارنايى كاسىپورىنداردا كۆوتانىڭ سانىن ۇلعايتۋ، ءبىلىم گرانتتارىن كوبەيتۋ ماسەلەسىن قاراستىرىپ جاتىر.

«اۋىلدىق جەردەگى ينفراقۇرىلىمدى جاڭارتۋ، جاڭا جۇمىس ورىندارىن، مەديتسينالىق- مادەني وشاقتاردىڭ قۇرىلىسىن سالۋ اۋماقتىق دامۋ جوسپارلارىنا ناقتى ەنگىزىلۋى قاجەت دەپ ەسەپتەيمىز. سونداي- اق، «سەرپىن»، «جاس مامان»، «جاس كاسىپكەر» باعدارلامالارىنىڭ ماقساتى ءبىر - اۋىل جاستارىنىڭ احۋالىن جاقسارتۋ. ارينە، بۇگىنگىدەي ۋربانيزاتسيالىق، سيفرلىق، جوعارى تەحنولوگيالىق داۋىردە ەشكىمدى اۋىلعا بايلاپ وتىرا المايسىڭ. الايدا، تىم بولماعاندا، اۋىلدىڭ الەۋمەتتىك- ەكونوميكالىق جاعدايى قالامەن تەڭەسە باستايتىن بولسا، اۋىلدىڭ وتى ەشقاشان وشپەيدى دەپ ويلايمىن!»، - دەدى دارحان كالەتايەۆ.

 

سوڭعى جاڭالىقتار