بولاشاق باعدارلاماسىنا قۇجات قابىلداۋ باستالدى

استانا. قازاقپارات - «بولاشاق» حالىقارالىق ستيپەندياسىنا ۇمىتكەرلەرى ءۇشىن كونكۋرسقا قاتىسۋعا قۇجات قابىلداۋ باستالدى.

بۇل تۋرالى قازاقپارات «حالىقارالىق باعدارلامالار ورتالىعىنىڭ» باسپا ءسوز قىزمەتىنە سىلتەمە جاساپ حابارلايدى.

ستيپەنديا ماگيستراتۋرا، دوكتورانتۋرا، رەزيدەنتۋرا جانە تاعىلىمداما باعدارلامالارى بويىنشا تاعايىندالادى. قۇجاتتاردى رەسپۋبليكانىڭ كەز- كەلگەن ايماعىنداعى حالىققا قىزمەت كورسەتۋ ورتالىقتارى جانە egov.kz سايتى ارقىلى ونلاين تاپسىرۋعا بولادى.

قۇجاتتاردى قابىلداۋ 2019 -جىلدىڭ 25 -اقپاننان 31 -تامىزعا دەيىن جۇرگىزىلەتىن بولادى.

ال، نەگىزگى كونكۋرس 6 -ناۋرىزدان 29 -قاراشاعا دەيىن وتكىزىلەدى. وسى جىلى ستيپەنديا 69 ماماندىق بويىنشا تاعايىندالادى. سونداي-اق، قازاقستاندىق ستۋدەنتتەر شەتەلدىك جۇزدەن استام ۇزدىك وقۋ ورىندارىندا ءبىلىم الۋ مۇمكىندىگىنە يە بولادى. ۋنيۆەرسيتەتتەر ءتىزىمى www.bolashak.gov.kz رەسمي سايتىندا جاريالانادى.

ايتا كەتەيىك، «حالىقارالىق باعدارلامالار ورتالىعى» ا ق «بولاشاق» ستيپەندياسىنان باسقا دا ۇكىمەتارالىق جانە شەتەلدىك سەرىكتەس ۋنيۆەرسيتتەردىڭ بولگەن گرانتتارى مەن جالپى كوپتەگەن شەتەلدىك ۋنيۆەرسيتتەردىڭ تەگىن گرانتتارىن ەلىمىزدەگى شەتەلدەن ساپالى ءبىلىم العىسى كەلگەن جاستار ءۇشىن ۇسىنىپ كەلەدى. بۇگىنگى تاڭدا 40000 جۋىق گرانتتار قازاقستاندىقتار ءۇشىن قولجەتىمدى دەپ ايتۋعا بولادى.