استانادا «جاپون كوكتەمى» بولادى

None
None
استانا. قازاقپارات - استانادا «جاپون كوكتەمى» فەستيۆالى بولادى.

ونىڭ بارىسىندا ءان سۇيەر قاۋىم ۇزدىك مۋزىكانتتاردىڭ ونەرىن تەگىن تاماشالاي الادى، دەپ حابارلايدى قازاقپارات ەلوردا ينفو سايتىنا سىلتەمە جاساپ.

فەستيۆال اياسىندا جاپوننىڭ ءداستۇرلى مۋزىكاسىنىڭ مەترى، كوتو شەرتپەلى اسپابىنىڭ قاس شەبەرى  IIەنەكاۆا توسيكونىڭ كونسەرتى بولادى. ونىڭ حالىق مۋزىكاسىنا دەگەن سۇيىسپەنشىلىگى كەزىندە جاپونيانىڭ جوعارى «ۇلتتىق قازىنا» تيتۋلىمەن ماراپاتتالعان اناسى ёنەكاۆا توسيكودان مۇرا بوپ قالعان. II ەنەكاۆا توسيكو دا شىعارماشىلىقتىڭ بيىك شىڭىنا شىعىپ، كۇللى الەمدە كونسەرت قويىپ كەلەدى. كوپتەگەن بەلدى ماراپاتتارعا يە بولدى، اندەر جازىپ، جاس ۇرپاقپەن تاجىريبە بولىسۋدە.

شەبەر مۋزىكانتپەن بىرگە سياميسەن ىشەكتى اسپابىندا وينايتىن شاكىرتى توسيساتو كامەكاۆا دا ساحناعا شىعادى.

9 جىلدان بەرى «دەگدار» گۋمانيتارلىق قورى جىلىنا ەكى رەت جاپون مادەنيەتىنىڭ ماۋسىمىن وتكىزەدى. ونىڭ اياسىندا «جاپون كوكتەمى» جانە «جاپون كۇزى» فەستيۆالدارى ۇيىمداستىرىلادى. كونسەرتتەر استانا، بىشكەك، تاشكەنت قالالارىندا قويىلادى.

ەلوردادا كونسەرت 27 -اقپان كۇنى قازاق ۇلتتىق ونەر ۋنيۆەرسيتەتىنىڭ ورگان زالىندا وتەدى. باستالۋى - ساعات 19:00، كىرۋ - تەگىن.

 

سوڭعى جاڭالىقتار