قالىڭ قار قىتايلىقتاردى ابىگەرگە سالدى

 استانا. قازاقپارات - قىتايدىڭ تيبەت اۆتونومدى ايماعى قالىڭ قار قۇرساۋىندا قالدى.

ەلدىڭ سولتۇستىك- باتىسىنداعى شينحاي پروۆينسياسىندا بىرنەشە كۇن توقتاۋسىز قار جاۋىپ، بوران سوعىپ تۇر. جەرگىلىكتى بيلىك ايماقتا توتەنشە جاعداي جاريالادى.

توتەنشە جاعدايلار دەپارتامەنتىنىڭ حابارلاۋىنشا، تابيعاتتىڭ توسىن سىيىنان 72 اۋىلدى جەر، 6 وكرۋگ پەن 28 شاعىن قالادا تۇراتىن 55 مىڭ 300 تۇرعىن زارداپ شەكتى. سونىمەن قاتار 18 800 مال سۋىق تەمپەراتۋراعا شىداماي قىرىلىپ قالعان. سينوپتيكتەردىڭ بولجامى كوڭىل كونشىتپەيدى. الداعى كۇندەرى جاۋعان قاردىڭ قالىڭدىعى 15 س م-گە دەيىن جەتەدى دەپ وتىر. جەرگىلىكتى بيلىك مەملەكەت قازىناسىنان زارداپ شەككەندەرگە 15 ميلليون يۋان ءبولدى. ودان بولەك 480 توننا بيداي مەن مالعا 23 مىڭ توننا جەم جانە قۇنى 260 مىڭ يۋان بولاتىن ءدارى- دارمەك جەتكىزىلىپ، اپاتتى وڭىرلەرگە 120 دارىگەر جۇمىلدىرىلدى.

www.24.kz