كوللەدجدەردە ماماندىققا قاجەتسىز پاندەر وقىتىلماسىن - ءبىلىم جانە عىلىم مينيسترلىگى
مينيسترلىك وكىلدەرىنىڭ ايتۋىنشا، بۇگىندە كوللەدجدەردىڭ كادر دايارلاۋ ىسىنە جۇمىس بەرۋشىلەردى جۇمىلدىرۋ جاعى كوڭىل كونشىتپەيدى. سەبەپ - كوللەدجدەگى وقۋ باعدارلاماسىندا جالپى ءبىلىم بەرەتىن پاندەر كوپ. پراكتيكا ول پاندەردىڭ كاسىبي بىلىكتىلىك الۋعا تيگىزەر سەبى تىپتەن از ەكەنىن كورسەتىپ وتىر.
كوللەدجدەر مەن جۇمىس بەرۋشىلەردىڭ اراسىنداعى ءوزارا ىقپالداستىقتى كۇشەيتۋ ماقساتىندا «اتامەكەن» ۇكپ وقۋ جوسپارىنىڭ ەكى مودەلىن قولدانۋدى ۇسىنىپ وتىر.
«ءبىرىنشى مودەلدە 1448 ساعات كولەمىندەگى جالپى پاندەر ساقتالادى. ءارى جالپى وقۋ ۋاقىتىنىڭ كەم دەگەندە %40 وندىرىستە وقىتۋ مەن كاسىبي پراكتيكاعا ارنالادى. ەكىنشى مودەل حالىقارالىق تاجىريبە مەن جۇمىس بەرۋشىلەردىڭ پىكىرىن ەسكەرە وتىرىپ، وندىرىستە وقىتۋ مەن كاسىبي پراكتيكانىڭ ساعاتتارىن جالپى پاندەردى بازالىق جانە كاسىبي مودۋلگە كىرىكتىرۋ ەسەبىنەن كوبەيتۋدى كوزدەيدى»، - دەلىنگەن حابارلامادا.
تاجىريبەگە باعىتتالعان مودەلدى كوللەدجدەر مەن ستۋدەنتتىڭ تاڭداۋى بويىنشا ەرىكتى تۇردە ەنگىزۋ ۇسىنىلدى. جالپى پاندەردىڭ ساعاتتارى وندىرىستىك پراكتيكاعا قاراي ارتتىرىلۋى مۇمكىن.
سونىمەن قاتار، ستۋدەنتتىڭ كونستيتۋتسيالىق قۇقىقتارى ساقتالادى، ەگەر ول شەشىمىن وزگەرتىپ، وقۋىن ۋنيۆەرسيتەتتە جالعاستىرعىسى كەلسە، جالپى پاندەردىڭ ساعاتتارىن جوعارى وقۋ ورنىنىڭ بازاسىندا ءجۇرىپ جەتىلدىرە الادى. وسىلايشا، جالپى ءبىلىم بەرۋ تسيكلىندە تەك كاسىبي مامان رەتىندە قالىپتاسۋعا قاجەتتى پاندەر عانا وقىتىلادى.
كاميلا ءامىروۆا