ءوز جۇرەگىڭە ۇڭىلە ءبىل

None
None
 استانا. قازاقپارات - ەگەر ءوز تالعامىڭنىڭ دۇرىستىعىنا كوزىڭ جەتسە، وندا ەشكىم دە ءوزىنىڭ دۇرىس دەپ ساناعان كوزقاراسىن ساعان زورلاپ تاڭا المايدى.

سەن قازىر قالاي ءومىر كەشكەن بولساڭ، ءومىرىڭنىڭ ءاربىر مينۋتى دا سولاي وتپەك. وياۋ بولساڭ، سەرگەك بول؛ ۇيىقتاساڭ، قانىپ ۇيىقتا، ءبىر ىسپەن اينالىسساڭ، باسقا ىسكە باس قاتىرۋشى بولما. قولىڭ قايدا بولسا، ويىڭ سوندا بولسىن. شەشىنگەن ەكەنسىڭ، سۋدان تايىنبا. ءشۇبالانساڭ، وزىڭە سەنىم ارتا المايسىڭ. ءبىر نارسەدەن كۇمان ويلاساڭ، سەنىم تياناق تابا الماي سىرعاقتايدى.

جولىڭا ورالعى بولىپ، سارى ۋايىمعا سالاتىن ماسەلەنى كۇنى بۇرىن ءبىر جاقتى ەتكەنىڭ ابزال. اقشا ارمان- تىلەك، مۇڭ- مۇقتاجىڭدى بەلگىلەمەيدى، قايتا، ارمان- تىلەك، مۇڭ- مۇقتاجدىڭ ارقاسىندا اتاق- ابىروي مەن اقشاعا قول جەتكىزەسىڭ.

 ادام ءومىرى، بەينە، شاحماتتىڭ تاسى سياقتى، بىردە ۇتاسىڭ، بىردە ۇتىلاسىڭ، تەك ويىن قاعيداسىنا جۇيرىك بولعاندا عانا جۇلدىزىڭ جانادى. قارسىلاسىڭ سەنى سوزبەن قاعىتىپ، قورلاسا، ءسوز تابا الماي شيرىققانعا دەيىن وعان قارسى جاۋاپ ايتپا؛

قارسىلاسىڭ تۇنەرىپ وتىرىپ السا، ءازىل- قالجىڭ ايتىپ كۇلدىرۋگە تىرىس؛ قارسىلاسىڭدى ءوز كوزقاراسىڭدى جاقتاعانعا دەيىن سۇراۋدىڭ استىنان ال؛

ونىڭ ايتقان سوزدەرىنىڭ ەشبىر قيسىنى بولماسا دا، ءجون دەي سال؛

وعان ءوز ويىڭدى اشىق ايتىپ، ءتۇسىندىر؛

«سۋ تامشىدان قۇرالادى» دەگەندەي، ءارقانداي شارۋاعا جەڭىلىنەن باستاپ كىرىس؛

 ويلامپازدىق - سەنى باسقالارعا ەلىكتەپ ءومىر سۇرەتىن ءبىرسىدىرعى تۇرمىس داعدىسىنان ازات ەتەتىن قوزعاۋشى كۇش.

Massaget.kz

سوڭعى جاڭالىقتار