قازاقستاندىق ساربازدار حالىقارالىق بايقاۋعا دايىندالىپ جاتىر

 استانا. قازاقپارات - قاراعاندىدا «سۋۆوروۆ تەگەۋرىنى» حالىقارالىق بايقاۋىنا قاتىسۋ ءۇشىن اسكەري قىزمەتشىلەردى ىرىكتەۋ باستالدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

«سپاسسك» وقۋ- جاتتىعۋ ورتالىعىنىڭ بازاسىندا قاراعاندى گارنيزونىنىڭ اسكەري قىزمەتشىلەرى جاياۋ اسكەر جانە جاۋىنگەرلىك ماشينا (ج ءا ج م-2) ەكيپاجدارى قۇرامىندا حالىقارالىق ارميا ويىندارىنىڭ «سۋۆوروۆ تەگەۋرىنى» بايقاۋىندا قازاقستان قارۋلى كۇشتەرىنىڭ نامىسىن قورعاۋ ءۇشىن باق سىناۋدا. بايقاۋ قاتىسۋشىلارىنا 2 كەزەڭنەن ءوتۋ كەرەك. ەڭ الدىمەن، 3 ادامنىڭ ەكيپاج قۇرامىنداعى جەكە جارىسى، تانكىگە قارسى گراناتااتقىش تۇرىندە نىسانا ارقىلى قوسارلى وقشاشاردان، ج ءا ج م مەن تىكۇشاقتان، اۆتوماتتى زەڭبىرەكتەن وق اتۋدى ورىنداي وتىرىپ، 3-5 ك م ءۇش شەڭبەردى اينالادى. 2-كەزەڭدە ەستافەتا وتەدى.

بايقاۋ شارتتارىنا سايكەس ەكيپاج قاشىقتىعى 3-5 كم قۇرايتىن 4 شەڭبەردى اينالادى. وندا ولارعا قورشاۋلار مەن مانيەۆرلەۋ ۋچاسكەسى تۇرىندەگى كەدەرگىلەردەن، اتىس جولاعىنان، تانكىگە قارسى وردان، كوپىردەن وتۋگە تۋرا كەلەدى.

ودان باسقا، بىرنەشە اتىس شەپتەرىندە ج ءا ج م- ءنىڭ ەكيپاجىنا جاياۋ اسكەردىڭ ۇرىس ماشيناسى، تانكىگە قارسى گراناتااتقىش، تىكۇشاق، تانكىگە قارسى زەڭبىرەك، جەرۇستى قوندىرعى تۇرىندەگى نىسانالارعا ءدوپ تيگىزۋ قاجەت. جوعارى ناتيجەلەر كورسەتكەن اسكەري قىزمەتشىلەر 2019 -جىلعى ارميا حالىقارالىق ويىندارىندا ق ر قارۋلى كۇشتەرىنىڭ قۇراما كومانداسى قۇرامىندا سايىسقا تۇسەتىن بولادى.