ا ق ش- تا جۇرگىزۋشى بولىپ جۇرگەن قازاق جىگىتى شەتەلدە قالاي كۇن كورىپ جۇرگەنىن ايتىپ بەردى
ول دوسى ەكەۋى كومپانيا اشىپ، ءوزى سوندا جۇرگىزۋشى بولىپ ىستەيدى. قازىر رۇستەم جۇرگىزۋشى بولۋدان بولەك ۆيدەوبلوك ءتۇسىرىپ ءجۇر. ول ۆيدەولارىنىڭ بىرىندە كورەرمەندەردىڭ سۇراعىنا جاۋاپ بەرىپ، بۇل قىزمەتكە قالاي كەلۋگە بولاتىنىن ەڭگەي- تەگجەيلى ايتىپ بەردى.
رۇستەمنىڭ ايتۋىنشا، CDL الۋ ءۇشىن Work Authorization, جاسىل كارتا نەمەسە ءتولقۇجات بولسا جەتكىلىكتى.
«وسى قۇجاتتاردى الىپ الىسقا قاتىنايتىن جۇرگىزۋشىلەردى وقىتاتىن مەكتەپكە بارىپ، قالاي جۇمىس ىستەيتىنىن ۇيرەنەسىڭ. وقىتۋ كۋرسى 1 ايدان ءۇش ايعا دەيىن سوزىلادى، ءبىراق ول مەكتەپتەرگە بايلانىستى. سونداي- اق، وقۋ كۋرسىنىڭ باعاسى دا مەكتەپتەرگە بايلانىستى ءار ءتۇردى بولادى» ، - دەيدى رۇستەم.
ونىڭ ايتۋىنشا، جۇك كولىگىنىڭ جۇرگىزۋشىسى مىسالى، 3000 ميل ءجۇرىپ وتسە 564555 تەڭگە تابا الادى ەكەن. ول جۇرگىزۋشى بولىپ جۇمىس ىستەۋدىڭ ارتىقشىلىعى - ەركىندىكتە دەيدى. ياعني، دەمالعىڭ كەلە مە، جۇمىس ىستەگىڭ كەلە مە، ونى ءوزىڭ بىلەسىڭ. رۇستەمنىڭ سوزىنشە، جۇرگىزۋشىلەر دە مانساپتىق تۇرعىدان وسۋگە تولىق مۇمكىندىك بار.
قازاق جىگىتى YouTube تاعى كانالىندا كۇن سايىن نە ىستەيتىنىن، ۇزاق جولدى نەشە كۇندە جانە قالاي ءجۇرىپ وتەتىنىن ەگجەي- تەگجەيلى ايتىپ بەرەدى. وتانداسىمىز ءتىپتى، 20 جىل بويى الىس جولعا قاتىناپ جۇرگەن جۇرگىزۋشىدەن دە سۇحبات الىپ، ونىڭ كەڭەسىمەن ءبولىستى.
«بۇرىن بۇل جۇمىس قىزىقتى، ءارى كۇشتى بولاتىن. قازىر، بۇل شىنايى جۇمىس. سەن ەندى جولدا ءجۇرۋ ءۇشىن جۇمىس ىستەيسىڭ. جانە جولدا توقتاپ، 30 مينۋت تىنىپ الۋعا ءتيىسسىز. ءبىراق، ءقازىر ەشكىم جارتى ساعات دەمالىپ وتىرعىسى كەلمەيدى. بۇرىن جۇرگىزۋشىلەر اراسىندا دوستىق، باۋىرلاستىق بولاتىن. بۇرىن جولدا كولىگىڭ بۇزىلىپ قالسا، باسقا جۇرگىزۋشىلەر كومەك كەرەك پە دەپ حابارلاسىپ، بەنزين بەرەتىن نەمەسە جانارماي بەكەتىنە دەيىن جەتكىزىپ سالاتىن. تاماعىمەن بولىسەتىن. ال قازىر جۇرگىزۋشىلەر اراسىندا ونداي باۋىرمالىق جوق» ، - دەيدى 20 جىل جۇرگىزۋشى بولىپ جۇرگەن سكوتت ەسىمدى ا ق ش ازاماتى.
رۋسلان وسىنداي سۇحباتتار الىپ، جۇرگىزۋشىلەردىڭ جۇمىسى جايلى اقىل- كەڭەسىمەن ءبولىسىپ، جۇمىس ۋاقىتىن دا قىزىقتى وتكىزەدى. ول الدىنا ۇلكەن ماقساتتار قويىپ، سوعان قول جەتكىزۋگە تىرىسىپ ءجۇر.
رۇستەمنىڭ ەسەبىنشە، ول التى كۇن بويى جۇمىس ىستەپ، 3118 شاقىرىم جول ءجۇرىپ وتكەننەن كەيىن 1263474 تەڭگە نەمەسە 3357 ا ق ش دوللار تاپقان.
Stan.kz