عالىمدار ادامداردىڭ وزىنەن اۋمايتىن ادامدى كەزدەستىرىپ قالۋ مۇمكىندىگىن ەسەپتەدى

 استانا. قازاقپارات - اۆسترالياداعى ادەلايدا ۋنيۆەرسيتەتىنىڭ عالىمدارى ءتورت مىڭعا جۋىق ادامنىڭ ولشەۋ مالىمەتتەرىن تالداپ، ءتۇرلى ادامداردىڭ ۇقساستىق دارەجەسىن انىقتاۋعا بولاتىن سەگىز نەگىزگى پارامەتردى ءبولىپ كورسەتتى.

ەڭ الدىمەن، بۇل كوز، قۇلاق جانە ەكى قاس اراسىنداعى قاشىقتىق، مۇرىن ۇزىندىعى جانە اۋىزدىڭ ەنى. ەسەپتەۋ ناتيجەلەرى جەردە كەم دەگەندە، بارلىق سەگىز پارامەترى سايكەس كەلەتىن ءبىر جۇپ ءومىر سۇرەتىنىن كورسەتتى. دەگەنمەن، ولاردىڭ كەزدەسۋ مۇمكىندىگى وتە از.

ال، اۆستراليالىق عالىمدار بەت- الپەتى ۇقساس ادامداردى انىقتاۋعا ايتارلىقتاي قاتاڭ تۇردە جاقىندادى. ولار، ەگەر قۇلاق اراسىنداعى قاشىقتىق تەك ءبىر سانتيمەترگە بولسىن وزگەشە بولسا، ادامدار ءبىر- بىرىنە ۇقسامايدى دەپ سانايدى. ءبىراق، ادامنىڭ ميى ادامداردى باسقاشا قابىلدايدى.

امەريكالىق نەيروحيرۋرگتەردىڭ زەرتتەۋى بويىنشا، بەت- الپەتتى تانۋعا جانە قابىلداۋعا جاۋاپتى ءبىرقاتار مي بولىگى ادام بەينەسى دەنەسىمەن بىرگە كورىنگەندە عانا ىسكە قوسىلىپ، جۇمىس ىستەيدى ەكەن. عالىمداردىڭ پىكىرىنشە، بۇل بەت قىمىلدى، كوزدىڭ قاراسىن جانە ادامنىڭ ەموتسيونالدىق كۇيىن دۇرىس تۇسىنۋگە مۇمكىندىك بەرەدى.

ءبىز ادامدى تانۋدىڭ جاساندى جۇيەلەرىنە قاراعاندا، تانىستارىمىزدى ءتىپتى، وزگەرتىلگەن، بۇرمالانعان سۋرەتتەردەن دە تاني الامىز. امەريكالىق زەرتتەۋشىلەردىڭ تاجىريبەسىندە ەرىكتىلەر اتاقتى ادامداردىڭ بەت- الپەتىن سۋرەتتىڭ سوزىلعانىنا قاراماستان، ولاردى تاني الدى. ولار ەنى ءتۇپنۇسقا سۋرەتتىڭ تورتتەن ءبىر بولىگى عانا بولعان كەسكىننەن تانىمال ادامداردى اجىراتا الدى.

بريتاندىق زەرتتەۋشىلەردىڭ ايتۋىنشا، ادام ورتاشا ەسەپپەن بەس مىڭداي بەت- الپەتتى ەستە ساقتاي الادى. جەكە كورسەتكىشتەر مىڭنان ون مىڭعا دەيىن اۋىتقيدى. جانە بۇل قاشىقتىقتان ۇقساس ادامدى سوعان ۇقساس ادام رەتىندە قابىلداۋ مۇمكىندىگىن ارتتىرادى.

ادامدى كوز، اۋىز، مۇرىن جانە قاس ارقىلى تانيدى. دەگەنمەن، ولاردىڭ قالىپتاسۋى تولىعىمەن گەنگە بايلانىستى.

لوندوندىق عالىمدار ءبىر جۇمىرتقالى ەگىزدەر مەن ەگىزدەردىڭ ۇقساس جانە ءارتۇرلى ەرەكشەلىكتەرىنىڭ جيىنتىعىن سالىستىردى. سوندا ولار مۇرىن ۇشىنىڭ ءپىشىنى مەن مولشەرى، كوزدىڭ ىشكى بۇرىشتارىنىڭ ورنالاسۋى، بەت سۇيەك، اۋىزدىڭ اينالاسى جانە باس كولەمىنىڭ ءجۇز پايىز گەنمەن انىقتالاتىنىن كوردى.

بۇل مالىمەتتەر قانداي گەندەردىڭ ادام مورفولوگياسىنا اسەر ەتەتىنىن انىقتاۋعا تىرىسىپ، ءبىر- بىرىنە ۇقساس ادامدار بولاتىنىنا تۇسىنىكتەمە بەرگەن حالىقارالىق عالىمدار توبىنىڭ زەرتتەۋ ناتيجەسىن دالەلدەدى.

 Stan.kz